Л.Оюун-Эрдэнийн танхимаас явах сайд нар хэн бэ?

Өнгөрсөн сараас эхлэн Л.Оюун-Эрдэнийн Засгийн газар огцрох тухай эх сурвалжууд мэдээлж байсан. Тэгвэл Ерөнхий сайд Засгийн газраа авч үлдэхийн тулд тааруухан үзүүлэлт, үнэлгээтэй байгаа зарим сайд нарын тойрохыг зурахаар болсон байна. Нэг үгээр Л.Оюун-Эрдэнийн танхимыг муухай харагдуулж, нэр хүндийг нь унагаахад хүргэсэн сайд нарыг огцруулах асуудлыг маргаашийн Засгийн газрын хуралдаанаар хэлэлцэх юм.

Эх сурвалжийн мэдээлж байгаагаар огцрох сайдуудын нэрс ч тодорсон гэх. Тодруулбал, Зам тээврийн хөгжлийн сайд Л.Халтар, УУХҮ-ийн сайд Г.Ёндон, Хөдөлмөр, нийгмийн хамгааллын сайд А.Ариунзаяа, Эрүүл мэндийн сайд С.Энхболд, Соёлын сайд Ч.Номин нарыг огцруулах асуудал хөндөгдсөн байна. 

Ийнхүү Засгийн газрын маргаашийн хуралдаанаар хэд хэдэн сайд нарын тойрохыг зурах нь ээ.