ХСҮТ-ийн Ерөнхий мэс заслын тасгийн их эмч Б.Түвшин гэр бүлээрээ орон нутагт ажиллах шийдвэр гаргажээ

Moderator

2021/08/30

Хавдар судлалын үндэсний төвийн Ерөнхий мэс заслын тасгийн Их эмч Баясгалангийн Түвшин Хөвсгөл аймгийн Нэгдсэн эмнэлэгт ажиллахаар гэр бүлийн хамт орон нутгийг зорих шийдвэр гаргажээ.

Тэрбээр энэ талаараа “Хэсэг хугацаанд хамаг бүхнээ дайчлан ажиллаж, олон сайхан багш нараас сурсан мэдсэнээ бусад нөхөдтэйгээ болон хүн ардтай хуваалцах болно. Та бүхэн минь тусалж дэмжээрэй” гэсэн байна.

Түүний энэ шийдвэрийг ХӨСҮТ-ийн захирал Л.Баттөр “Гайхалтай шийдвэр. Ах нь ч гэсэн нэг өдөр нутаглуугаа явж ажилланаа” хэмээжээ.

Б.Түвшингийн хувьд өнгөрсөн жил IELTS-ийн 8.0, IBT TOFEL-ийн 95 оноо аван дэлхийн аль ч оронд суралцах гарцыг өөртөө нээсэн ч эх орондоо ажиллаж, амьдрах замыг сонгосон нэгэн юм. Тэгвэл энэ удаад залуу эмч нараа манлайлан орон нутагт ажиллах шийдвэр гаргасан байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.80.210.104

2021/08/31

Gaihaltai shiidver ba. Huduunii ard irgediinhee eruul mended tusalj demjiheer iim bolovsroltoi zaluu huduug zoeij baigaad bayartai baa.
Хариулах