Эсрэг урсгалаас ачааны машин орж чиргүүлээрээ "Приус 20” автомашиныг цохисны улмаас хоёр хүн нас баржээ

Moderator

2021/08/03

Төв аймгийн Аргалант сумын Хөшөөт багийн “Цагаан хөтөл” гэдэг газар“Приус 20” загварын суудлын автомашин нь авто замын хажуу руу онхолдож 2 хүн автомашины бүхээгийн төмөр хийцэд хавчуулагдсан тухай дуудлагыг Онцгой байдлын албанд ирүүлсэн байна.

Дуудлагын дагуу очиход Баянхонгор аймгаас Улаанбаатар хотын чиглэлд иргэн Б-ийн жолоодож явсан /39 настай, эрэгтэй/ “Волво” загварын том оврын ачааны автомашин эсрэг урсгалд орж чиргүүлээрээ цохисны улмаас Улаанбаатар хотоос Өвөрхангай аймгийн чиглэлд иргэн З-ийн жолоодож явсан “Приус 20” загварын суудлын автомашин /3 зорчигчтой/ авто замын хажуу руу онхолдсон осол гарсан байжээ.

Ослын улмаар Баянзүрх дүүргийн 4 дүгээр хорооны харьяат иргэн Б/46 настай, эмэгтэй/, Сонгинохайрхан дүүргийн 21 дүгээр хорооны харьяат иргэн Ц/75 настай, эрэгтэй/ нар автомашины бүхээгийн төмөр хийцэд хавчуулагдаж нас барсан байсан тул цогцсыг гаргаж, тус аймаг дахь Цагдаагийн газрын Замын цагдаагийн тасагт шилжүүлж өгсөн байна.

Харин Хан-Уул дүүргийн 3 хорооны харьяат иргэн Б /39 настай, эрэгтэй/, Баянзүрх дүүргийн 4 хорооны харьяат иргэн З нарт эмнэлгийн анхан шатны тусламж үзүүлж, иргэн Б-ыг ГССҮТ-ийн хүлээн авахын их эмчид хүлээлгэн өгчээ.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.176.129

2021/08/07

ursgal surhuu l bolichih tehuu
Хариулах
66.181.161.37

2021/08/05

Хараал идсэн замаа засаад өгөөчээ хэрвээ зам өргөн эвдрэл гэмтэлгүй байсан бол иймэрхүү ослууд гарахгүй шүү дээ арайч дээ
Хариулах