Г.Сарангэрэлийн хамсаатнаар Хар тамхитай тэмцэх хэлтсийн албан хаагчийг шалгаж байна

Өнгөрсөн гуравдугаар сарын 28-ны өдөр Хууль зүйн сайд асан Х.Тэмүүжинтэй нэр холбогдож байсан Г.Сарангэрэл хар тамхины хэргээр саатуулагдсан. Уг хэргийг Цагдаагийн ерөнхий газар (ЦЕГ)-ын Хар тамхитай тэмцэх газар шалгаж байгаа аж. Тэгвэл түүнтэй хамт Хар тамхитай тэмцэх хэлтсийн албан хаагч Э хамсаатнаар шалгагдаж байгаа гэх мэдээллийг эх сурвалж өглөө. Иймээс Цагдаагийн байгууллагаас Г.Сарангэрэл нарт холбогдох хэргийг хар тамхины хэргийг маш их нууцалж байгаа аж. Учир нь төрийн хууль сахиулах үүрэгтэй, тэр тусмаа Хар тамхитай хэлтсийн ажилтан нь ийнхүү хар тамхины хэрэгт хамсаатнаар шалгагдаж байгаа учир ийнхүү нууцалж байгаа гэнэ. 

Г.Сарангэрэлийн хувьд  2014 онд Дүүргийн эрүүгийн хэргийн анхан шатны нэгдүгээр шүүхээс Эрүүгийн хуулийн тусгай ангийн 192 дугаар зүйлийн 1-д зааснаар мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэх, олж авах, хадгалах, тээвэрлэх, илгээх, борлуулсан хэргээр нэг жил зургаан сарын хорих ял ногдуулж, батлан даалтаар гарч байсан билээ.

Түүнчлэн 2018 онд дахин Мансууруулах эм, сэтгэцэд нөлөөт бодис болох метафетамины агууламжтай сэтгэцэд нөлөөлөх бодисыг худалдаалах зорилгоор хууль бусаар олж авсан, өөрийн биедээ нууж хадгалсан, тээвэрлэсэн гэмт хэрэг үйлдсэн гэмт буруутайд тооцогдож байсан юм.