ЗГ: "Улаан бүс"-д ажиллаж байгаа эмч, ажилчдын цалинг 50-иар нэмж, нэг удаагийн 1-2 сая төгрөгийн тэтгэмж олгоно

Засгийн газар өнөөдөр ээлжит бусаар хуралдлаа. Хуралдаанаас гаргасан шийдвэрийн талаар Ерөнхий сайдын хэвлэлийн төлөөлөгч Ч.Болортуяа мэдээлэл хийлээ. 

Тэрбээр " Засгийн гзарын хуралдаанаар Төсвийн тодотголын төслийг хэлэлцэж,  УИХ-д өргөн барихаар боллоо.  Эрүүл мэндийн салбарт 700 гаруй тэрбум төгрөгийн нэмэлт санхүүжилт хийнэ. Мөн Айл өрхүүд, аж ахуй нэгжүүдийн орлогыг дэмжих хүрээнд хүүхдийн 100 мянган төгрөгийн мөнгөн тэтгэмжийг 2021 оны арванхоёрдугаар сарын 31-ний өдөр хүртэл сунгахаар,  ААН, өрхийн цахилгаан дулаан, цэвэр, бохир ус, хог хаягдлын хураамжийг төрөөс төлөх шийдвэрээ 2021 оны арванхоёрдугаар сарын 31-ний өдөр хүртэл сунгахаар,  сайжруулсан шахмал түлшний үнийг 50 хувиар хөнгөлөх арга хэмжээг 2022 оны гуравдугаар сар хүртэл сунгах зэрэг асуудлууд Төсвийн тодотголд багтана

Эрүүл мэндийн салбарт зарцуулах 700 гаруй тэрбумыг тодруулахад: Цар тахлын голомтод ажиллаж байгаа 13 мянган эмч, эмчнлэгийн ажилчдад нэг удаагийн 2 сая төгрөгийн тэтгэмж олгоно. Эрүүл мэндийн салбарт ажиллаж байгаа 19500 гаруй эмч, эмнэлгийн ажилчдад нэг сая төгрөгийн тэтгэмж олгоно. Улаан бүсэд ажиллаж байгаа эмч, эмнэлгийн ажилчдын үндсэн цалинг 50 хувиар нэмнэ. Ковидод зориулсан орны тоог 2000-аар нэмэхэд 110 тэрбум төгрөгөөр зарцуулна. Резидент эмч нарыг дайчлахад 3.7 тэрбум төгрөг хуваарилна. Эм, эмнэлгийн хэрэгслийн нөөц бэлтгэлийг хангахад 60 тэрбум төгрөгийг тус тус хуваарилахаар төсвийн тодотголд тусгасан"  гэлээ.