Авто мото спортын түүхэнд Монгол улсаа дэлхийд сурталчлах боломжоо өөрсдөө үгүй хийлээ

Дэлхийн хамгийн том Авто мото спортын нэг болох олон улсын Silk Way Rally 11дэхь удаагийн Дэлхийн цомын гран при тэмцээн энэ жил Монгол улсад бариалж, дэлхийд Монгол улсаа сурталчлах түүхэн боломжоо өөрсдөө үгүй хийжээ.

Тодруулбал, Энэхүү уралдаан нь жил бүрийн зуны дунд сард зохион байгуулагддаг бөгөөд авто мото спортыг сонирхдог хүмүүсийн хувьд өөрсдийн чадвар чансааг сорьсон ОУ-ын тэмцээн юм. Энэ жилийн хувьд Орос, Монгол хоёр улсын нутаг дэвсгэр дээр ойролцоогоор 5200 км замыг туулан өрсөлдөх байсан ба уралдааны  нийт замын 80 хувь нь Монгол улсад өрнөх байжээ. Мөн энэхүү тэмцээнд 40 гаруй орны чадварлаг тамирчид оролцдог гэдгээрээ ихээхэн ач холбогдолтой юм байна.

Энэхүү шоуг дэлхийн өнцөг булан бүрээс сая сая хүмүүс тэсэн ядан хүлээж үздэг бөгөөд ОХУ-ын Ерөнхийлөгч, ОХУ-ын Засгийн газар, ОХУ-ын Спортын яамны дэмжлэгтэйгээр зохион байгуулахаар төлөвлөөд байсан ч манай улсын хувьд тэмцээн зохион байгуулагдахаас өмнө цагийн тулгаж хариу өгсөн бөгөөд БХЯ, Гадаад хамтын ажиллагааны байгууллагаас “Дэлхийн цомын аварга шалгаруулах SILKWAY2021 Олон улсын уралдааныг цар тахлын нөхцөл байдлаас шалтгаалан Монгол улсын нутаг дэвсгэрт зохион байгуулагдах боломгүй болохыг мэдэгдэж байна” гэжээ.

Ташрамд дурдахад, Тамирчид нь өөрсдөө зардлын асуудлаа шийдэж /100-200сая/ бэлтгэлээ базаагаад байсан байна. Энэхүү тэмцээнийг дагаад олон зуун хэвлэл мэдээлэл /160 гаруй сэтгүүлч зураглаачид/,  сонирхогчид үзэгчид, баг тамирчид /40гаруй улсын 300 гаруй баг тамирчид/, арын албаныхан /2000 орчим/, аялагчид ирнэ гэж тооцоолсон ба манай улсын хувьд аялал жуулчлалаа хөгжүүлэх маш том боломж байжээ.