Ерөнхийлөгч асан Х.Баттулга хүн амины хэргээр ял авсан Б.Махбалд өршөөл үзүүлсэн үү?

Moderator

2021/06/28

Ерөнхийлөгч асан Х.Баттулгын зарлиг гарган Зам тээврийн хөгжлийн яамны газрын дарга асан Б.Махбалд өршөөл үзүүлсэн гэх мэдээлэл нийгмийн сүлжээнд тархаад байна. Энэ талаар Т.Гомбосүрэн агсны дүү "Энэ алуурчин ахыг маань алсан. Төмөр замын зарцуулалтад хөндлөнгийн аудит оруулна гэснийх нь төлөө зодоод алчихсан шүү дээ. Ингээд Баттулгын зарлигаар өршөөгдөөд гараад ирдэг гэнэ ээ. Одоо ер нь яг яах ёстой юм бэ. Тэвчээр тасарч байна шүү" гэжээ.

Сануулахад, гурван жилийн өмнө буюу 2018 онд Зам, тээврийн хөгжлийн яамны гадаа тус яамны газрын дарга Б.Махбал хүний амь хөнөөсөн билээ. Засгийн газрын XIII байрны гадаа тус яамны Төрийн захиргаа, удирдлагын газрын дарга Б.Махбал нь Хяналт шинжилгээ, үнэлгээ, дотоод аудитын газрын дарга Т.Г-г зодож, амийг нь бүрэлгэсэн.

Улмаар хамгийн анх Б.Махбалын гэм буруугийн шүүх хуралдаан 2019 оны нэгдүгээр сарын 18-нд шүүх хурал товлогдож байв. Шүүх хурал арав гаруй хойшилсны эцэст Б.Махбалыг Сүхбаатар дүүргийн Эрүүгийн хэргийн анхан шатны шүүхээс хүний амь насыг онц хэрцгийгээр хөнөөсөн гэмт хэрэг үйлдсэн гэм буруутайд тооцож, 13 жилийн хугацаагаар хорих ял оноож, уг хорих ялыг хаалттай хорих байгууллагад эдлүүлэхээр 2020 оны тавдугаар сарын 15-нд шийдвэрлэж байв. Улмаар Нийслэлийн Эрүүгийн хэргийн давж заалдах шатны шүүхийн шийдвэрээр /2020.08.20/ Б.Махбалд оноосон ялыг хоёр жилээр хөнгөрүүлсэн юм.

Түүнийг сулласан гэх мэдээллийг албаныхан үгүйсгэж байгаа ч, нийгмийн сүлжээнд иргэд албаныхны тайлбарт эргэлзэж эсэргүүцлээ илэрхийлжэ эхлээд байна.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.182.220

2021/06/30

Иргэн хүн хэнийгээ дэмжих нь тухайн хүний эрх. Энэ нөхрийн хулгай, луйвар, залиланг улиг болтлоо ярьсан тул энэ удаад өнжье. Хулгай, луйвар, залилан хийсэн хүнийг албан тушаалаа ашиглан уучлал үзүүлж болох ч, хүний амь нас бүрэлгэсэн хүний ялны хугацаанаас тодорхой хугацааг нь хөнгөлнө гэж байж болох уу??? Хүний эрх, ардчиллыг дээдэлдэг АНУ-д жирийн иргэн хүнийг үхэлд хүргэж алсан цагдаад ялыг нь дахиад нэмж байхад Монгол улсад хүн алсан алуурчдын үйлдлийг "Зөв" гээд өршөөж, уучилж байгаа нь шударга ёс, эрүүл үзэгдэл үү???
Хариулах
202.179.21.235

2021/06/28

Owoo ym uu getel teneg alham hiih ymaa ymar uchirtai ym tegwel buh horigdoj bga humuusd uuchilsl uzuuleech adilhan l tanii ard tumen tend bga
Хариулах
82.81.5.217

2021/06/28

teneg Eronkhiilogch =baisan khunii amiig Sanaataigaar Burelgesen Khuniig ingej sullaj bolokh uu .......
Хариулах

Сүүлд нэмэгдсэн мэдээ

6 цаг

Э.Батшугар: Хүнсний асуудлыг зөвхөн үйлдвэрлэл, худалдаа, хэрэглээний асуудал гэж харахгүй

7 цаг

Японы ОУ-ын хамтын ажиллагааны агентлаг (JICA) болон НҮБ-ын Ази, алс дорнодын гэмт хэргээс урьдчилан сэргийлэх хүрээлэн (UNAFEI)-гийн хамтарсан сургалтад алба хаагчийг хамруулж байна