Э.Энхбат начин ухаан оржээ

БНСУ-д хүнд бэртлийн улмаас эмчилгээ хийлгэхээр явсан Улсын начин Э.Энхбат ухаан орсон талаар эх сурвалжууд мэдээлж байна. Түүний хувьд маш хүнд бэртлийн улмаас сар гаруй хугацаанд ухаангүй байсан бол ийнхүү ухаан орж, биеийн байдал нь сайжирч эхэлжээ. 

Одоогоор начингийн хувьд нүдээ нээж, анивчих, юм асуухаар толгойгоо дохих рефлекс үзүүлж байгаа аж. Солонгос эмч нарын зүгээс тархины багана нь хугарсан учир хоёр хөл, гар нь бүрэн мэдээ орно гэх баталгааг өгч чадахгүй байгаа аж.  Мөн диализтай, уушиг усжилттай байгааг эх сурвалж мэдээлж байна.

Н.Энхбат начинг эхнэртэй нь гурав хоногт нэг удаа уулзуулж байгаа 

Цар тахлаас үүдэн тус эмнэлэгт сахиур оруулахгүй журам үйлчилж байгаа аж. Энэ дагуу эмнэлгийн зүгээс долоо хоногт нэг удаа 10 минутаар эхнэрийг нь оруулж байгаа юм байна. 

Өнөөдрийг хүртэл эмчилгээнд 610 сая төгрөг зарцуулаад байна

Э.Энхбат начингийн эмчилгээний зардалд 610 сая төгрөг зарцуулаад байгаа аж. Үүний 250 сая төгрөгийг Н.Түвшинбаяр аварга гаргасан бол 300 гаруй сая төгрөгийг найзуудийнх нь хандиваас зарцуулжээ.

Тэгвэл Улсын начин Э.Энхбатыг зодож хүнд бэртэл учруулсан Н.Түвшинбаяр аварга шүүхийн шийдвэрийн дагуу хориг 461 дүгээр ангид хоригдож байгаа юм. Түүний цагдан хоригдох хугацаа энэ долоо хоногийн пүрэв гарагт дуусгавар болно.