Намын нэр хүнд унагаж байгаа Ц.Анандбазарыг эргүүлэн татах ёстой гэсэн байр суурийг МАН-ын гишүүд илэрхийлж эхэлжээ

УИХ-ын даргын зүгээс УИХ-ын гишүүн Ц.Анандбазарын нэр холбогдсон асуудлыг байнгын хороогоороо авч хэлэлцэх үүргийг Ёс зүй, сахилга хариуцлагын байнгын хорооны дарга Б.Бат-Эрдэнэд өгсөн. УИХ-ын дарга  уг асуудлыг хууль хяналтын байгууллагаар шалгуулан, олон нийтэд мэдээлэх нь зүйтэй гэж үзэж байна гэсэн юм. 

Ийнхүү УИХ-ын даргын зүгээс үүрэгжүүлсэн учраас Ц.Анандбазарын асуудлыг УИХ  дахь МАН бүлгийн түвшинд авч хэлэлцэхээр болсон байна. Намын гишүүдийн зүгээс  Ц.Анандбазарын асуудал намын нэр хүндийг унагааж байгаа учраас эргүүлэн татах асуудлыг хөндөх ёстой гэх чиглэл барьж байгаа аж. Ялангуяа эмэгтэй гишүүдийн зүгээс нэлээд хатуухан байр суурь илэрхийлж байгааг эх сурвалж мэдээллээ. 

Гэхдээ Ёс зүй, сахилга, хариуцлагын байнгын хорооны дарга Б.Бат-Эрдэнэ “Өдрийн сонин”-д өгсөн ярилцлагадаа Ц.Анандбазартай холбоотой асуудлаар “Гэмт хэрэг үйлдсэн эсэхийг цагдаа, прокурорын байгууллага шалгаж байгаа бол үүнийг ёс зүйн хүрээнд шийдэхгүй бөгөөд эрүүгийн гэмт хэрэг шалган шийдвэрлэдэг журмаар хуулийн байгууллагууд шийдвэрлэх учиртай.

Эрүүгийн хэрэг хянан шийдвэрлэх ажиллагаанд Улсын Их Хурал хөндлөнгөөс нөлөөлөхийг хуулиар хориглосон байдаг. УИХ-ын гишүүний бүрэн эрхийг түдгэлзүүлэх хүсэлтийн тухайд бол иргэний хүсэлтээр манай байнгын хороо шийдвэрлэх боломжгүй” гэсэн гэсэн байр суурийг илэрхийлсэн. 

Гэвч Ерөнхий сайд Л.Оюун-Эрдэнэ Ц.Анандбазарыг дуудаж "Давраал байгаарай" хэмээн сануулга өгсөн тухай зарим хэвлэлүүд бичсэн. Угаас намын дарга У.Хүрэлсүхийн зүгээс Ц.Анандбазарт таагүй ханддаг. 

Харин УИХ-ын дарга Г.Занданшатар намын даргын урдуур хойгуур гүйж Ц.Анандбазарт нэг мандат авсан тухай эх сурвалжууд мэдээлж буй. Мэдээж Г.Занданшатар Ц.Анандбазарт ийм том хүргэснийхээ төлөө Бага тэнгэрийн аманд хаус авсан байж болзошгүй гэх мэдээлэл бий.  Ямартай ч Ц.Анандбазарын асуудлаар МАН-ынхан багагүй зөрчил үүсээд эхэлжээ.