Элдэв муу зүйлд нэр дурьдагдсан Ерөнхийлөгчтэй дотно харилцаатай түүний туслах, гадаад түнш, спортын хамтрагч гэх нэрсүүд хөвөрсөөр....

Олон нийтэд Шилэн Цогоо нэрээрээ танигдсан сайд асан Б.Цогтгэрэл өөрийн нийгмийн сүлжээндээ нэгэн сонирхол татах баримтуудыг оруулжээ. Тэрбээр уг баримтаа "Самбаатай Самбочин Монголоос 100,903,125,400₮ тендер авсан баримт" хэмээн тодотгосон байна. 

Шилэн Цогоогийн нийгмийн сүлжээнд дэх баримтыг бүрэн эхээр нь хүргэе.

-Монгол Улсад үйл ажиллагаа явуулдаг Беларусийн хөрөнгө оруулалттай "Юнайтедбелаз машинери ХХК" гэж бий. Монголын хамаг л уул уурхайн компаниудын өнгөтэй өөдтэй хамаг тендерийг хуу хамж байдаг гэхэд ер нь болно. Агуу Белазын төлөөлөгч шүү дээ гэж хэлэх байхаа. Ойлгоно. Белаз агуу ч тэр үедээ л тийм байждээ хөөрхий гэмээр үе бий. Ашиглалтын байдлыг нь очоод үзээрэй. Шалгаруулан худалдаж авсан компаниудаас нь өнөөдөр эдгээр бүтээгдэхүүнүүд нь ажиллаж байгаа эсэхийг асуугаарай. Бүгдээрээ үгүй гэж хэлнэ.

Харин үүний үнээр Liebherr, CAT авсан бол хамаагүй илүү байх байж, хамаагүй илүү эвдрэл гэмтэлгүй ядаж өдийд ажиллаж байх байжээ гэж амаа барьсан уурхайчид Монголын Төрийн өмчийн компаниудаар дүүрчээ.

https://ergelt.mn/news/1/single/5155 Сайтад гарсан мэдээ миний анхаарлыг татсан бөгөөд энэ компанийн хувь эзэмшигчид нь Гадаадын тусгай албадтай холбоотой мэдээлэл сүүлийн үед ихээр гарч, элдэв муу зүйлд нэр дурдагдсан этгээдүүд байх бөгөөд хамгийн аймшигтай нь Монгол Улсын Ерөнхийлөгчтэй дотно харилцаатай түүний туслах, гадаад түнш, спортын хамтрагч гэх нэрсүүд хөвөрсөөр.

Өнөөх л К-2 гэх тусгай байгууллагатай нэр холбогдож дурдагдаж байсан улсын нэрс.

Уг компанийн хувьцаа эзэмшигч нь Домоникан буюу өнөөх алдартай оффшор бүсийн компани ч байх шиг Монгол Улсын Засгийн газар тогтоол гаргаж Төрийн байгууллага оффшор бүсийн компаниуд руу мөнгө шилжүүлэхгүй байх тогтоол гаргасан байдаг биш билүү Бодит амьдрал дээр Засгийн газрын тогтоол юу болж хувирч байгааг та бид эндээс харж болохоор байна.

Зөвхөн 1 компанийх нь Монгол Улсын Төрийн өмчит компаниудад "шахсан" нийт мөнгөн дүнгийн хэмжээ нь 100,903,125,400₮ (Нэг зуун тэрбум есөн зуун гурван сая нэг зуун хорин таван мянга дөрвөн зуун төгрөг) байна.

Хамгийн сүүлд л гэхэд Эрдэнэт Үйлдвэрт автосамсвалын дугуй нийлүүлэх тендерт үнийн саналаа өгөөд байгаа ажээ. Сонгууль дөхөж байгаа тул мөнгө хэрэгтэй....