Д.Жавхлан: 300 мянган гөгрөгөө авч чадаагүй иргэд “Е-баримт”-д бүртгүүлэн авах боломжтой

Монгол улсын сангийн сайд Д.Жавхлан Монгол улсын Засгийн газрын шийдвэрээр иргэн бүрт олгож байгаа 300.000 төгрөгийн талаар өөрийн цахим хуудсаар дамжуулан мэдэгдэл хийж байна. Ингэхдээ Монгол улсын иргэн та хэрэв 300,000 төгрөгөө аваагүй байгаа бол:

1.18 нас хүрсэн Монгол улсын иргэн,

2. Тэтгэврийн насанд арай хүрээгүй,

3. Одоогийн байдлаар Монгол улсын төрөөс ямар ч төрлийн халамж авдаггүй,

4. Гадаадад удаан хугацаагаар амьдарч байгаа, эх орондоо ирээгүй байгаа,

5. Ибаримт-д \www.ebarimt.mn\ бүртгэл үүсгээгүй, НӨАТ-ын буцаан олголт авдаггүй,

6. Төрийн алба хаагчийн цалингийн сүлжээнд байхгүй,

7. Малчны А дансаа бүртгүүлээгүй,

8.1072 хувьцаанаас ямар нэг байдлаар хоцорсон, ногдол ашиг авч байгаагүй байх нь.

Тиймээс та уг нэг удаагийн дэмжлэгээ авахыг хүсч байвал Та дэлхийн хаанаас ч интернет ашиглан Ибаримт\www.ebarimt.mn\ сисгемд бүртгүүлж шинээр бүртгэл үүсгэхэд өөрийн дотоодын / Монгол улс/ банкны дансандаа хүлээн авна. Хэрэв та дээрх заавраар бүртгүүлсэн л бол “Минийх хэзээ орох вэ, хэнд хандах вэ" гэж асуух шаардлагагүй, зүгээр л 1-2 хоног хүлээх хэрэгтэй шүү. Одоогоор 2 ажлын өдөрт нийт хүн амын 85% нь хүлээж аваад байна. Өчигдөр, өнөөдөр амралтын өдөр таарлаа. Маргаашнаас хөл хорионоос үл хамаарч гүйлгээ үргэлжилж хийгдэнэ. 7-10 хоногт багтааж дуусгахаар ажиллаж байна хэмээжээ.

Иргэн бүрт олгож байгаа уг мөнгийг аливаа өр зээлэнд огт суутгах ёсгүй гэдгийг мөн бичсэн байна.