БЗД-ийн 26-р хорооны хэсэгчилсэн хөл хориог өнөөдрөөс /03.20/ цуцлахаар шийдвэрлэлээ

УОК-ын дарга, Шадар сайд С.Амарсайханы шуурхай хурал өчигдөр болж БЗД-ийн Засаг дарга Н.Баярмөнх, Эрүүл мэндийн сайд С.Энхболд нарын хамт цар тахлын нөхцөл байдал тэр дундаа БЗД-ийн 26-р хорооны хөл хорионы талаар хэлэлцлээ. 

Хурлаар БЗД-ийн 26-р хорооны хэсэгчилсэн хөл хориог өнөөдрөөс /03.20/ цуцлахаар шийдвэрлэлээ. Учир нь тус дүүргийн 26-р хорооны 11600 өрхийн 17500 иргэнээс шинжилгээ авч дуусчээ. Өөрөөр хэлбэл тав хоногт төлөвлөсөн ажлыг гурав хоногт дуусгасан гэв. 17500 хүнээс хүнээс ПСР шинжилгээ авснаас 28 хүнийг халдвартай болохыг илрүүлж, хавьтлуудыг гэрт нь тусгаарлан ажиглаж байна гэв.

Харин хорооны иргэдийг вакцинд хамруулах ажлыг зохион байгуулахдаа хөл хорих шаардлагагүй учир ийнхүү шийдвэрлэлээ. 

УОК-оос түвшнээс улбар шар түвшинд шилжсэн, цаашдаа халдварын нөхцөл байдлаас шалтгаалан улаан түвшинд ч бүх нийтээрээ шилжих эрсдэл бий. Ийм нөхцөлд орохгүйн тулд халдварын дэгдэлт ихтэй газар нутгийг хэсэгчлэн хөл хорио тогтоож ажиллана гэдгээ илэрхийлсэн. Энэ дагуу Баянзүрх дүүргийн 26 дугаар хороонд гуравдугаар сарын 8-16-ны өдрүүдэд нийт 108 тохиолдол гарсан бол хөл хорьсон гурван өдрийн дотор 28 тохиолдол гарсан байна. Энэ тоо 26-р хороонд хөл хорио тогтоох үндсэн  шалтгаан болсон. 

Хөл хорио тогтоосон өнгөрсөн гурав хоногийн хугацаанд хорооны 17000 гаруй иргэдээс ПСР-ын  шинжилгээг авч дууссан бол аритгал халдваргүйжилтийн  ажлыг шуурхай хэрэгжүүлээд хөл хорионы дэглэмэийг цуцлахаар болжээ.