Яармагийн замд осол гарч нэг хүн нас барж, нэг хүн хүнд гэмтжээ

Moderator

2021/03/03

Нийслэлийн Хан-Уул дүүргийн 9 дүгээр хороо Яармагийн автозамын зорчих хэсэгт зам тээврийн ноцтой осол гарсан байна.

Ослын улмаар автомашины төмөр хийцэд хүн хавчуулагдсан байна гэсэн дуудлагыг Онцгой байдлын газарт ирүүлсэн байна.

Ингээд нийслэлийн Аврах анги-105-ын алба хаагчид 7.5 км замыг туулан 04:44 цагт очиход иргэн Н-ийн “Приус-11” загварын суудлын автомашин, иргэн Л /46 настай, эрэгтэй/-гийн “Трейлер” загварын том оврын ачааны машины араас мөргөсөн осол гарсан байсан байна. Ослоос үүдэн “Приус-11” загварын автомашинд иргэн Н/42 настай, эрэгтэй/ нас барсан байсан бөгөөд цогцсыг 45 минут ажиллаж гарган тус дүүргийн цагдаагийн 2 дугаар хэлтэст шилжүүлэн өгчээ. Мөн иргэн С/35-40 орчим настай, эрэгтэй/ дух цөмөрсөн байсныг НЯТТТөв 103-ын эмчид хүлээлгэн өгсөн байна.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.