Хугацаа нь дууссан, сав баглаа нь задарсан, чанарын шаардлага хангагдаагүй бүтээгдэхүүнийг хяналтын байгууллагад шилжүүлжээ

Өнөөдөр Улаанбаатар хотын 5 дүүрэгт байрлах 71 хүнсний болон сүлжээ дэлгүүрт, Орхон аймагт хяналт шалгалт хийлээ. 

Хяналт шалгалтад хамрагдсан нийт 43 хүнсний болон сүлжээ дэлгүүрүүдэд өндөг байхгүй байна. Харин бусад хүнсний өргөн хэрэглээний бараа бүтээгдэхүүний нөөц хангалттай, үнэ тогтвортой байна.

Хүчит шонхор, Нарантуул-2, Барс, Орхон, Хархорин, Гэгээ зэрэг томоохон зах, худалдааны төвүүд амарч байна.

 “Хэрэглэгчийн мэдээллийн төв”-д 2021 оны 2 дугаар сарын 15-ны өдрийн 17:00 цагийн байдлаар нийт 27 иргэнээс гомдол, мэдээлэл ирүүлсэн байна. Үүнээс 115 утсанд 23, чатботод 1, дуут шуудангаар 1, и-баримт аппликэйшнээр 2 гомдол тус тус ирсэн байна. Үүнээс иргэнд зөвлөгөө, мэдээлэл өгч, 5 хэрэглэгчийн гомдлыг холбогдох газруудад шаардлага тавьж шийдвэрлүүлэхээр шилжүүлсэн, 5 иргэний өргөдөл гомдол хянан шалгах шатанд байна.  Хугацаа нь дууссан, сав баглаа нь задарсан, чанарын шаардлага хангагдаагүй бүтээгдэхүүнийг чиг үүргийн дагуу хяналтын байгууллагад шилжүүлж ажиллаа.

Эх сурвалж:Шударга өрсөлдөөн хэрэглэгчийн төлөө газар