Photo paparazzi ••• Төрийн соёрхолт Н.Наранбаатар Монголын хамгийн эрэлттэй найруулагчдын нэг хэвээрээ...

Улсын драмын эрдмийн театрын ерөнхий найруулагч, Төрийн соёрхолт Н.Наранбаатар Урлагийн гавьяат зүтгэлтэн цолоор  шагнууллаа.

Н.Наранбаатар Монголын хамгийн эрэлттэй найруулагчдын нэг хэвээр байна. Өнгөрсөн  20 жилийн турш УДЭТ-т тавигдсан орчин үеийн сэдэвтэй ихэнх жүжгийг Н.Наранбаатар найруулж ирсэн. Н.Наранбаатарын хамгийн том давуу тал бол цаг үеэ маш сайн мэдэрдэг . 

Тэрбээр 2013 онд Монгол Улсын Төрийн соёрхол хүртжээ. Н.Наранбаатар найруу­лагч хэмээх их албанд орохын тулд олон шалгуур туулсан гэдэг. СУИС-ийн найруулагчийн ан­гийг төгссөн залуухан хархүү "Бооцоо" жүжгийг тайзнаа амилуулан үзэгчдийн анхаарлыг татаж эхэлсэн. Үүнийхээ ачаар Улсын драмын эрдмийн театрын найруулагч болох эрхээ хүртсэн билээ. Тэрээр “Бооцоо”, Надаар тоглосон хайр”, “Жаргах гэж дурладаг уу?”, “Чи минийх”, “Шөнө дундын бүжиг”, “Нууц амраг чинь болъё”, “Дурлахыг хориглоно”, “Шөнө амталсан нулимс”, “Нэргүй од”, “Парисын дарь эхийн сүм” мюзикл, “Би ч гэсэн жаргамаар байна" жүжиг, “Тэнгэрийн хүү” түүхэн жүжиг, “Гамлет” сонгодог жүжиг зэрэг олон сайхан бүтээлийг тайзнаа найруулан тавьсан чадварлаг уран бүтээлч билээ.