"Болд төмөр Ерөө гол" компанийн ээлж солилцохоор очсон ажилтнаас коронавируст халдвар илэрлээ

Ерөнхий сайд Л.Оюун-Эрдэнэ Онцгой байдлын ерөнхий газар ажиллаж байна. Энэ үеэр зарим аймгуудтай холбогдож нөхцөл байдлын талаар мэдээлэл авлаа. 

Тухайлбал, Сэлэнгэ аймгаас " Сэлэнгэ аймгийн Ерөө суманд үйл ажиллагаа явуулдаг "Болд төмөр Ерөө гол" компани өчигдөр буюу 2021 оны нэгдүгээр сарын 31-ны өдөр 534 ажилтан ээлж солилцох ажлыг хийсэн. Ээлж солихоор Улаанбаатар, Дархан, Орхон болон бусад аймгаас ажилчид ирсэн.

Ингэхэд Улаанбаатар хотын Чингэлтэй дүүргийн 17 дугаар хороонд оршин суух хаягтай ч сүүлийн хоёр жил Сонгинохайрхан дүүрэгт  оршин сууж байгаа нэг иргэнээс түргэвчилсэн оношлуураар хоёр удаа шинжилгээ авахад эерэг гарсан тул PCR шинжилгээг авсан. PCR шинжилгээний хариу шөнийн 02:00 цагт батлагдсан. Шинжилгээ гарсан даруйд аймгийн онцгой комисс хуралдаж, газар дээр очиж ажиллахаар 04:00 цагт хөдөлсөн" гэсэн мэдээллийг өглөө.