Ц.Нямдорж: Ерөнхий сайд санал тавьснаар долоон сарын дараа би энд сууж байна

УИХ-ын чуулганы өнөөдрийн хуралдаанаар сайд нарын томилгоог хэлэлцэж байна. Энэ үеэр УИХ-ын гишүүн Ш.Адьшаа ЗГХЭГ-ын даргад нэр дэвшигч Ц.Нямдоржоос "Өнгөрсөн жилүүдэд төрийн өмч хөрөнгө, байгалийн баялгийг хууль бусаар авсан,  хөрөнгө шамшигдуулсан асуудал яригдаж, дуулиан шуугиан тарьсан. Гэтэл энэ асуудлууд яасан нь мэдэгдэхгүй замхрах тийшээ хандаж байгаа асуудалд хариулт авъя" гэлээ. 

Үүнд Ц.Нямдорж сайд "Засгийн газрын бүрэлдэхүүн ажиллах саналыг Ерөнхий сайд тавьсан. Долоо сарын дараа энд сууж байна. Шүүх хуулийн байгууллагаар хянагдаж байгаа хэргүүдийн тухайд олон нийт ойлгож өгөхгүй байгаа нэг л асуудал байгаа. АТГ бүх шүүгч нар, Ерөнхий прокурорын орлогч нарыг Хууль зүйн сайд Засгийн газар томилдоггүй. Тагнуулын даргыг өөр журмаар шийддэг. Энэ дөрвөн газар хийгдэж байгаа Эрүүгийн хэрэг хянан шийдвэрлэх ажиллагаанд Хуулийн сайд хөндлөнгөөс оролцох эрхгүй ийм л хуулийн орчинтой. УИХ-аар сая АТГ-ын даргын өөр журмаас шийддэг болж байна. 2016-2020 онд миний голчлон хөөцөлдсөн хоёр асуудал бий. Нэг нь хууль бусаар шийдэгдсэн иргэдийн асуудал нөгөөх нь Эрдэнэтийн 49 хувьтай холбоотой асуудал асар их бэрхшээл тулгарч байсан. Гэвч энэ хоёр асуудал эрч суларч байна. Томилогдвол энэ асуудлуудыг Хуулийн сайдтай ярина" гэлээ.