Хулгайн замаар явж, хууль зөрчсөн А.Сүхбатыг 500 мянган төгрөгөөр торгожээ

УИХ-ын гишүүн асан А.Сүхбат энэ сарын 15-нд коронавируст халдварын дэглэм зөрчиж Дорнод аймгийн халх гол сумд очсон тухай мэдээллийг бид хүргэж байсан. Тэрбээр холбогдох байгууллагуудын зөвшөөрөл зорчиж байсан учир Халхгол суманд 14 хоног тусгаарлагдсан юм. 

Харин өчигдөр түүний тусгаарлалтын хугацаа дуусаж, Улаанбаатар хот руу буцаж ирсэн байна. Түүний хууль дүрэм зөрчсөнтэй холбоотойгоор "Land 200" автомашиныг улсын орлого болгох талаарх хүсэлтийг Дорнод аймгийн цагдаагийн газраас тус аймгийн шүүхэд хүргүүлсэн байна. 

Мөн  Зөрчлийн хуулийн 5.13 дугаар зүйлийн 5 дахь хэсэгт зааснаар Гамшиг, аюулт үзэгдэл, осол, аюул, гамшгийн эрсдэлээс хамгаалах зорилгоор байгуулсан барилга байгууламжийг эвдэж гэмтээсэн, эсхүл зориулалтыг дур мэдэн өөрчилсөн нь эрүүгийн хариуцлаг хүлээлгэхээргүй бол учруулсан хохирол, нөхөн төлбөрийг гаргуулж хүнийн таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно гэж заасны дагуу А.Сүхбат болон жолоочийг тус 500.000 төгрөгийн торгууль ногдуулжээ.