News Paparazzi: Н.Алтанхуяг: Яагаад бууж өгч байгаа юм бэ, У.Хүрэлсүх ээ!!!

УИХ-ын чуулганы нэгдсэн хуралдаанаар Ерөнхий сайд У.Хүрэлсүхийг огцруулах саналыг хэлэлцэж байна.

Энэ үеэр УИХ-ын гишүүн Н.Алтанхуяг байр сууриа илэрхийллээ.

Тэрбээр “Сонин юм болж байна. Энд мөсөн уулын оройг ярьж байна л даа. Би Ерөнхий сайд байсан хүн. Хэцүү л дээ. Харамсаад байна. Яагаад бууж өгч байгаа юм бэ, У.Хүрэлсүх ээ. Би өөрийг чинь хоёр зүйл дээр дэмждэг. Шударга ёсны төлөө хийж байгаа ажлыг дэмждэг. Хоёрдугаарт, газрын баялгийг цөөхөн хүн аваад баяжаад таргалаад, Монголд багтааж ядаад гадагшаа оффшорт аваачсан явдалтай тэмцэж байгааг дэмждэг. Гэхдээ бууж өгч байна. Юун нялх биетэй эх, юун Ерөнхийлөгч, юун жагсаал цуглаан. Энэ бол мөсөн уулын ил гарж байгаа хэсэг. Цаана хэлэхгүй юм байгаа. Аюулгүйн зөвлөлийн гурван гишүүний энэ байдал нь Монголын тусгаар тогтнолд аюултай зүйл болж байгаа юм. Харамсаж байна. Оюутолгой, Эрдэнэт, оффшорын их мөнгө л байгаа байх. Огцроод дараа нь юмаа хийх юм байлгав. Анхаармаар юм байна. Монголын ард түмэн 2016  онд 65 суудал өгөөд М.Энхболд гэдэг хүнийг улс орны хөгжүүлэх нь битгий хэл Ерөнхийлөгч рүү явна гээд улс орноор тоглож дууссан 2020 оны сонгуулиар У.Хүрэлсүх гэдэг хувь хүний дээрх тэмцлүүд нөлөөлж та нар 62 суудал авсан байх. Яагаад Монголын ард түмнийг хошгоруулж хошгоруулчихаад буугаад өгчихөв. Өөрийг чинь М.Энхболд шиг Ерөнхийлөгч рүү явна гэж ажлаа өгч байна гэж бодохгүй байна. Тэгэхээр хүн биш. Монгол бол газрын баялгийн мөнгөнөөс болж л дуусаж байгаа юм. Ард түмний аж амьдралыг дээшлүүлье газрын баялгаа тэгш хүртээе гэсэн хүмүүсийг ингэж явуулдаг. Намайг зохион байгуулалттай алчихдаггүй юм бол шударга ёсны төлөө ясаа цайтал тэмцэнэ” гэж хэлсэн үгийг тань би хадгалаад авчихсан. Гэтэл яагаад буугаад өгчихөв. Битгий бууж өг. Юу болсноо ярь” гэлээ.