News Paparazzi : Өнөөдрөөс эхлэн цахилгаан бараа, ТҮЦ, цанын бааз болон тавилгын дэлгүүрүүдийн үйл ажиллагааг нээлээ

Нийслэлийн хэмжээнд 2021 оны 01-р сарын 11-ний өдрөөс өндөржүүлсэн бэлэн байдлын зэрэгт шилжиж, 18 салбар чиглэлийн үйл ажиллагаанд нэр дурдан хязгаарлалт тогтоож, бусад бүх төрлийн үйлдвэрлэл, худалдаа, үйлчилгээний үйл ажиллагааг нээсэн. Ийнхүү халдварын тархалтын нөхцөл байдалд хийсэн шинжилгээ, эрсдэлийн үнэлгээ, мэргэжлийн байгууллагуудын саналд үндэслэн үе шаттайгаар нээж байгаа юм.

Энэ дагуу Улсын Онцгой комисс, Нийслэлийн Онцгой комисс 2021 оны нэгдүгээр сарын 16-нд хуралдаж, үйл ажиллагааг нь хязгаарласан зарим чиглэл, салбаруудыг үе шаттайгаар нээх асуудлыг хэлэлцсэн. Энэ хүрээнд өнөөдрөөс эхлэн зарим төрлийн барааны худалдаа, үйлчилгээний тодорхой чиглэлүүдийг халдвар хамгааллын дэглэм, шаардлагуудыг мөрдүүлэн нээхээр шийдвэрлэсэн. Үүнд,
 цахилгаан бараа,
 тавилга,
 гар утасны төвлөрсөн худалдаа,
 түргэн үйлчилгээний цэг,
 цанын баазын үйлчилгээ зэрэг багтаж байна.
Мөн иргэдийн агаарт гарах, ууланд алхах зэргээр дархлаа, эрүүл мэндэд чиглэсэн үйлдлийг дэмжих хүрээнд зарим цэг, зогсоолын үйл ажиллагааг эргэн хэвийн горимд шилжүүлэх юм.