News Paparazzi : УИХ-ын чуулганы цахим хуралдаанд саатал гарч, танхимаар хуралдах шийдвэр гарав

Moderator

2021/01/15

УИХ-ын гишүүд онлайнаар буюу Төрийн ордонд ирэлгүйгээр байгаа газраасаа хуралдаанд оролцох байдлаар өнөөдрийн хуралдаан эхэлсэн ч сүлжээнд саатал гарч, хуралдаан үргэлжлэх боломжгүй байдал үүсэв. Иймээс чуулганы үдээс өмнөх хуралдаан техникийн доголдлоос үүдэн түр завсарлаад байна.

Энэ талаар УИХ-ын дарга Г.Занданшатар “Сүлжээнд саатал гарсан. Кебир аюулгүй байдал, холбогдол газар хэлтсүүдээр сүлжээг шалгуулж байна. Иймээс 12.30 минутаас хорио цээрийн дэглэмээ чанд баримтлаад таван танхимд хуваагдаж чуулганы хуралдааныг үргэлжлүүлнэ” гэсэн мэдээллийг өглөө.
Харин одоо хуралдааны 5 танхимд гишүүдийг хуваарилан суулгаж, гар өргөж санал хураах маягаар хуралдаан үргэлжлэхээр болж байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.