News Paparazzi : Япон, Солонгос машинтай иргэд машиндаа СПИРТ-ын ХУНДАГА тавь

Сүүлийн хэд хоногт дэлхий нийтээрээ агаарын температур огцом хүйтэрч байна. Дэлхийн хамгийн хүйтэн нийслэлд гэрээс орж гарахад л энэ их хүйтэн мэдрэгдэж байна. Бидний соёл иргэншлийг нь даган дуурайх болсон СОЛОНГОС улсд нийтийн тээврийн унаанууд нь асахгүй болох хальтиргаа гулгаанд явахгүй болж зорчигчдоор түрүүлэх зэрэг зөвхөн Монголд харж болно гэгддэг байсан үзэгдэл ажиглагдаж эхэллээ. Иймд нийтийн тээвэрт ихээр ашиглагдаж байгаа БНСУ-д үйлдвэрлэгдсэн автобуснуудын техникийн бүрэн бүтэн байдалд анхаарч техникийн талаас зарим аргуудыг хийж хэрэгжүүлэхийг хуучний жолоочид, автын инженер техникчид анхааруулж байна. 

Ахмад жолооч Ч.Баттөр: Өнөө орой, маргааш өглөө нөгөө хэдэн автобус, нүүрс, хог тээврийн тэрэгнийх нь хамаг агрегат хөлдөөд энд тэнд зогсож байна даа. Их хүйтэнд механик тэрэгний тормоз, конс хөлдөн бээрээд бас л зовлонтой шүү. Эртүүд хүйтрэхэд нэг автобусны конс хөлдөөд араандаа орохгүй зогсож байсан. Хөдөө гадаанаас машин хий хураадаггүй ээ яах вэ гэсэн нөхөд их бичиж байна, аргагүй шүү дээ. Япон, Солонгос тэрэг их байна. Тэд чинь -15 градуст тааруулж хамаг тооцоогоо хийн тэргээ зохиосон, манай хүйтнийг тэсэхгүй. Манай жолооч нар өөрсдөө л Монголчлоно гэгчээр хамаг ухаанаа шавхан хөдөлгөж байгаа. Оросын бүх том оврын машинд СПИРТЫН ХУНДАГА үйлдвэрээс гарахад нь тавиатай байдгийг манайхан салгаад хаячихдаг. Хамгийн хэрэгтэй зүйл байгаа юм шүү дээ. Машины мотор ажиллаж байгаа үед хийн компрессороос гарсан халуун хий энэ яриад байгаа спиртын хундагаар дамжин уур, усгүй болоод баллонд очдог юм. Хэрэв хундагагүй бол тэр халуун уур бүхий хий баллонд очихдоо ус болон ороод энэ хүйтэнд шууд хөлдөн мөс болж хамаг хийгээр ажилладаг эд ангиудыг ажиллагаагүй болгоно. Япон Солонгос тэрэгтэй нөхөд СПИРТЫН ХУНДАГА тавь гэж зөвлөе, зун салгаад л авчихна биз. Бүрэн хийн тормозтой тэрэг ийм хүйтэнд осол гаргах аюултай шүү гэж зөвлөсөн байна. Ахмадын үг алт гэдэг дээ. Бүтээн байгуулалтын их үед хөлдөх бээрэх хүнд хүчир ихийг үзсэн тээвэрчид үнэнийг л хэлж байгаа.