ШУУРХАЙ : ӨНӨӨДРӨӨС шинэ жилийн үеэр ажилласан томоохон зах, худалдааны төвийн худалдагч, түрээслэгчдээс шинжилгээ авна

ЭМЯ-аас өчигдөр /2021.01.02/ Эрүүл мэндийн Т.Мөнхсайхан, УОК-ын хэвлэлийн төлөөлөгч Ц.Ганзориг болон Нийгмийн Эрүүл мэндийн төвийн  тархвар судлаач Б.Сувд  нар Улаанбаатар хотод гараад байгаа халдварын голомтуудын нөхцөл байдал, болон ЭМЯ-ны цаг үеийн асуудлаар мэдээлэл хийсэн. Мэдээллийн үеэр Нийгмийн Эрүүл мэндийн төвийн  тархвар судлаач Б.Сувд: Өчигдрийн /2021.01.01/ өдрийн байдлаар эх үүсвэр тодорхойгүй халдварын дөрвөн голомт илэрснийг судалж байгаа.  Нэгдүгээрт, баяр болсон. Хоёрдугаарт, хүмүүс өөрийгөө халдвар авчихна гэж огт бодохгүй байна. Гуравдугаарт, хүн амын дунд ямар нэг шинж тэмдэггүй халдвартай хүмүүс явж байна гэсэн үг. Ийм учир иргэд хөл хорионы үед дэглэм баримталж чадав уу гэдгийг бодох хэрэгтэй. Хамгийн эрсдэлтэй цэг болох эмийн сан, банк, худалдаа үйлчилгээ, нийтийн тээвэр, зөвшөөрөлтэй такси, түгээлт, захиалга хүргэлтийн компани зэрэг зорилтот байгууллагуудаас шинжилгээ авч эхэлсэн гэдгийг хэллээ. Харин өнөөдрөөс /2021.01.03/  эхлэн шинэ жилийн үеэр ажилласан томоохон зах, худалдааны төвийн худалдагч, түрээслэгчдээс шинжилгээ авна. Баянзүрх дүүргийн 85 мянган өрхөөс шинжилгээ авахад хоёр тохиолдол илэрсэн. Тиймээс халдварын байршил тодорхой болоход ард түмэнд мэдээлнэ” хэмээн мэдээллээ.