Шуурхай : А.Амбасэлмаа: Улаанбаатарт-15 тохиолдол, Зөөвөрлөгдсөн-7 буюу 22 хүний шинжилгээнд коронавирус илэрлээ

ХӨСҮТ-ийн Тандалт, судалгааны албаны дарга А.Амбасэлмаа, нэгдүгээрсарын 1-ний өдөр 11152 хүнд PCR шинжилгээ хийхэд 22 хүнд коронавирус илэрлээ. Үүний 15 нь Улаанбаатар хотод бүртгэгдсэн бол үлдсэн 7 нь зөөвөрлөгдсөн тохиолдол. Зөөвөрлөгдсөн 7 тохиолдол нь Франкфурт Улаанбаатар чиглэлийн тусгай үүргийн онгоцоор ирсэн бөгөөд тусгаарлагдсан байсан хүмүүс. Амар зочид буудалд байсан 5 хүн, Жаргалант зочид буудалд тусгаарлагдаж байсан 2 хүний гурав дахь давтан шинжилгээгээр коронавирус илэрсэн. Мөн тус буудалд үйлчилж байсан резидент эмчийн шинжилгээ мөн эерэг гарсан. Тийм учраас Амар зочид буудалд халдвар тархах эрсдэлээс сэргийлж 100 гаруй хүнийг нүүлгэн шилжүүлэлт хийж, үйлчилгээний ажилчдыг сольсон.