News Paparazzi : ХСҮТ-н голомт ӨНДӨР ИДЭВХТЭЙ байгаа тул ерөнхий мэс заслын үйлчилгээг БГД-ийн эмнэлэгт хийх болсныг мэдэгдлээ.

Moderator

2020/12/28

ХСҮТ-ийн эмэгтэйчүүдийн мэс заслыг Амгалан амаржих газар, ерөнхий мэс заслын үйлчилгээг БГД-ийн эмнэлэгт хийж буйг үйлчлүүлэгчдэд анхааруулж байна.

Хавдар судлалын үндэсний төв энэ долоо хоногт гаднаас үйлчлүүлэгч авахгүй бөгөөд одоогоор тусгаарлагдсан 134 өвчтөн, 71 сахиур байгаа тул эдгээр иргэдэд эмчилгээ үзүүлэх аж.

Өвчтөнүүдийн боолт, хими эмчилгээ зэргийг харьяа дүүргийн эмнэлэг дээр хийнэ. Түүнчлэн УОК-ийн шийдвэрийн дагуу энэ байдал өөрчлөгдвөл тухай бүрд нь мэдэгдэх болно гэж ХСҮТ-өөс мэдээллээ.

Хавдар судлалын үндэсний төвийн голомтоос нэмж халдвар бүртгэгдээгүй байна гэж ХӨСҮТ-ийн Тандалт судалгааны албаны дарга А.Амбасэлмаа өчигдөр мэдээлсэн.

Тус эмнэлгийн хоёр эмч, эмчтэй хавьтал болсон нэг хүн, нийт гурван хүнээс коронавирусийн халдвар илрээд буй. 12-р сарын 24-нд халдвар батлагдсан бөгөөд халдвар авсан иргэдийн ойрын хавьтал болох 67 эмнэлгийн ажилтанг тусгаарлан ажиглах байранд, найман өвчтөн, 10 сахиурыг эмнэлэгт, эмнэлгээс гарсан 18 иргэнийг гэрийн тусгаарлалтад авчээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ