САЙХАН МЭДЭЭ : МОНГОЛ УЛСАД 2021 ОНЫ ЭХНИЙ УЛИРАЛД ВАКЦИН ОРУУЛЖ ИРЭХЭЭР ТОХИРОЛЦЖЭЭ

Moderator

2020/12/21

Монгол Улсын Ерөнхий сайд У.Хүрэлсүх Дэлхийн Эрүүл мэндийн байгууллагын Суурин төлөөлөгчийг хүлээн авч уулзжээ. Уулзалтаар “Covid-19” вирусний цар тахлын байдал, авч хэрэгжүүлж байгаа арга хэмжээний талаар санал солилцжээ.

Засгийн газар ДЭМБ-ын зөвшөөрсөн, чанартай вакциныг хурдан оруулж ирэх зорилготой байгааг онцолсон байна.

Уулзалтын эцэст KOBAKC хөтөлбөрийн хүрээнд Монгол Улсад нийлүүлэх вакциныг 2021 оны эхний улиралд оруулж ирэхээр талууд ярилцаж тохиролцжээ. Мөн НҮБ-ын Суурин төлөөлөгч Диордица хэлэхдээ, Монгол Улсын Засгийн газар, УОК-оос авч хэрэгжүүлсэн арга хэмжээ, бэлэн байдлын зэрэгт шилжсэн байдал, хөл хорионы дэглэмүүд цаг үеэ олсон оновчтой шийдэл байсныг энэ үеэр онцлон тэмдэглэжээ.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.