News Paparazzi: Твиттер сүлжээ ашиглан цуврал аллага үйлдсэн этгээдэд цаазын ял оноолоо

Moderator

2020/12/15

Твиттер сошиал сүлжээгээр дамжуулан амиа хорлох хүсэлтэй хүмүүстэй танилцаад цуврал аллага үйлдсэн этгээдэд Япон улсын шүүх өнөөдөр цаазын ял оноожээ.

“Твиттер алуурчин” гэж хэвлэлүүдийн нэрлэсэн 30 настай Такахиро Ширайшигийн гэрээс 2017 онд хохирогчдын цогцосны хэсгүүд олдсоны дараа баривчилж байв.

Тэрбээр нийт есөн хүний амийг хөнөөснөө энэ оны аравдугаар сард хүлээжээ. Хохирогчдын найм нь эмэгтэй, тэдний нэг нь 15 настай байсан юм. Ганц эрэгтэй нь хохирогч эмэгтэйчүүдийн нэгний ах байсан бөгөөд дүүгээ хайж яваад амиа алдсан байна. Хохирогчид бүгд амиа хорлох хүсэлтэй байсан, харилцан зөвшилцлийн үндсэн дээр аллага үйлдсэн тул Ширайшигийн ялыг хөнгөлөх хүсэлтийг өмгөөлөгчид нь шүүхэд гаргаж байжээ.

“Твиттер алуурчин” танилцсан хүмүүстээ хорвоог орхиход нь туслах санал тавьж, зарим тохиолдолд хамт үхэх амлалт өгч байсан гэдэг.

Эх сурвалж: BBC

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ