News Paparazzi : Хятадын хакерууд Монголын төрийн нэгдсэн программ ABLE-ыг хакердсан уу?

Steality Trident ажиллагаа: Luckymouse, TA428, HyperBro, Tmanger, ShadowPad хакерын программаар дамжуулан Монголын төрийн байгууллагуудын сүлжээг хакердлаа.

ESET антивирусийн компанийн судлаачид Монгол 430 орчим төрийн байгууллагын ашигладаг ABLE Desktop chat программаар дамжуулан Монголын төрийн байгууллагуудын мэдээлэл кибер халдлагад өртсөн талаарх судалгааг нийтэлжээ.

Энэхүү халдлагыг вирусийн хоёр янзын программ ашиглан гүйцэтгэжээ. ESET-ийн судлаачдын үзэж байгаагаар вирустэй программыг 2018 оны тавдугаар сараас эхлэн суулгаж эхэлсэн ба 2020 оны долоодугаар сард системийн сайжруулалтаар нэвтрэх нэр, нууц үггүйгээр мэдээллүүдийг авах боломжтой Hyperbro-ийн ажиллагааг ажигласан. 

AVAST /Decoded.avast.io/-д өчигдөр нийтлэгдсэн мэдээлэлд “Энэ зун Avast нь Монголын төрийн багууллагууд болон Үндэсний дата төвийг чиглэсэн АРТ групп LuckyMouse байгаа гэдэгт итгэлтэй байна. 

АРТ групп нь төрийн байгууллагуудын сүлжээнд нэвтрэх зорилгоор мэдээлэлд чөлөөтэй нэвтрэх “код тайлагч” суулгаж, дараа нь удаан хугацаагаар дотоод сүлжээний нууцлалгүй болгох, мэдээллийг хуулах зэрэг олон төрлийн вирус байршуулсан. Цахим тагнуулын гол зорилго нь төрийн байгууллагуудаас нууц мэдээлэл дамжуулах явдал байсан гэж бид үзэж байна” гэжээ.

Зүүн өмнөд Азийн улс орнуудын төрийн байгууллагуудад үйлчилгээ үзүүлдэг, нэр нь үл мэдэгдэх компанийг онилсон хакерын компанит ажил явагдсан. Энэ компани нь ABLE байж болох юм хэмээн үзжээ. 

ABLE Desktop chat нь Монголд хэрэглэгддэг ABLE бизнес менежментийн багцад багтсан чат программ хангамж юм. 2018 оны дунд үеэс Hyperbro-г суулгаж эхэлснийг ажигласан. ABLE Desktop нь өөрөөсөө вирус гаргаж ирээгүй. Системийн шинэчлэл хийх үед вируст автсан байж болзошгүй гэж таамаглаж байна. Системийн шинэчлэл хийх хэд хэдэн механизм бий.  Тэдний зарим нь хэрэглэгч дээрээ байрладаг. ABLE яг аль сервер дээрээ хакердуулснаа олохгүй байх шиг байна.

ABLE Desktop дээр СИСТЕМИЙН ШИНЭЧЛЭЛ хийгдсэн серверүүдийн жагсаалт,

• Цагдаагийн ерөнхий газар,
• Хөгжлийн банк,
• Тээвэр хөгжлийн банк,
• Миний локал,
• Ерөнхийлөгчийн тамгын газар,
• Ашигт малтмал газрын тосны газар,
• Үндэсний аудит,
• ХЗДХЯ,
• Боловсролын их сургууль,
• БХБЯ,
• УБЦТС гэх мэт.

Эх сурвалж: welivesecurity.com