News Paparazzi : Хойд Солонгост хатуу хөл хорионы дэглэмийг зөрчсөн иргэнийг цаазалжээ

Moderator
2020/12/08

Хойд Солонгост коронавирусийн хорио цээрийн дэглэм зөрчсөн хууль бус наймаачныг олон нийтийн өмнө цаазалсан гэж "Radio Free Asia" агентлаг мэдээлжээ. Түүнчлэн хил орчмын валютын биржийн зуучлагчийг мөн хөл хорионы арга хэмжээг зөрчсөн хэргээр олон нийтийн нүдэн дээр цаазалсан байна.

Тус улсад "Ковид-19"-ийн халдварын нэг ч тохиолдол илрээгүй гэдгийг Хойд Солонгосын хэвлэл мэдээлэл удаа дараа мэдэгдэж байгаа хэдий ч эрх баригч Ажилчдын намын Төв Хороо яаралтай хорио цээрийн арга хэмжээг "Хэт өндөр түвшний яаралтай хорио цээрийн дэглэм" болгон өргөжүүлснийг "Radio Free Asia" агентлаг өнгөрсөн долоо хоногт мэдээлсэн билээ. Түүнчлэн хилээр байнга орж гардаг хүмүүс БНХАУ-аас халдвар тээж ирэх вий гэдгээс болгоомжилсон тус хороо саяхан хилээ минажуулээд байсан юм.

Гэсэн ч хууль бус наймаачид Хятадаас Хойд Солонгос руу бараа тээвэрлэсээр байжээ. "Хууль бусаар бараа зөөвөрлөх тохиолдол их гарч, тэд хилийн цаана байгаа хүмүүстэй олон удаа холбоо тогтоосон" гэж нэг эх сурвалж хэлсэн байна. Ингээд албаныхан хил орчмын нутаг дэвсгэрт оршин суугчдын нүдэн дээр 50 орчим насны хууль бус наймаачныг цаазалсан гэнэ.

Умард Солонгос дахь эх сурвалж "Хохирогч арваннэгдүгээр сарын 20-ны орчимд хэт өндөр түвшний онцгой байдлын дэглэм хэрэгжиж эхлэхээс өмнөхөн хорио цээрийн дэглэм зөрчсөн тул олон нийтийн өмнө цаазаар авсан. Төв хорооноос хэт өндөр түвшний хорио цээрийн тушаал гаргаснаас хойш ард түмний дундах айдас түгшүүр дээд цэгтээ хүрсэн" хэмээн ярьжээ.

Эх сурвалж: The Korea Times

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.16
    2020/12/10

    Зөв

    Хариулах
  • 202.126.90.109
    2020/12/08

    Ийм л баймаар байна даа.хатуу байх хэрэгтэйгээ./

    Хариулах
Сүүлд нэмэгдсэн мэдээ
18 цаг

“Монголын төмөр зам” ТӨХК оны эхний 11 сарын байдлаар 11.7 сая тн ачаа тээвэрлэжээ
Өчигдөр

“Эрдэнэс Тавантолгой” ХК болон БНХАУ-ын Норинко компани хамтын ажиллагааны санамж бичигт гарын үсэг зурлаа
Өчигдөр

Нийтийн албанд томилогдохоор нэр дэвшсэн 15885 нэр дэвшигчийн мэдүүлгийг хянав
Өчигдөр

"Эрдэнэс тавантолгой" ХК болон "Чайна энержи интернэйшнл девелопмент" ХХК хамтын ажиллагааны санамж бичиг байгууллаа
Өчигдөр

55 тооны бод мал хулгайлсан этгээдүүдийг илрүүллээ
Өчигдөр

"Эрдэнэс Тавантолгой" ХК-ийн Гүйцэтгэх захирал асан Н.Цэрэнсамбууг 30 хоногийн хугацаатай цагдан хорьжээ
Өчигдөр

Г.Дамдинням: Манай хүссэн хэмжээгээр биш ч боломжтой хэмжээгээр нийлүүлэлт хийж ирсэн ОХУ, ААН-үүдэд бид талархах учиртай