ШУУРХАЙ : Баянзүрх дүүрэгт дахин нэг иргэнээс халдвар илэрч, ХӨСҮТ-д тусгаарлажээ

Өнөөдөр Баянзүрх зах худалдааны төвөөр Covid-19-ийн халдвар авсан иргэн үйлчлүүлсэнтэй  холбоотойгоор тус төвийн түрээслэгчдийг тусгаарлан хөл хорио тогтоосон талаар бид өмнө нь мэдээлсэн. Тэгвэл баттай эх сурвалжийн мэдээллээр Баянзүрх дүүргийн 6 дугаар хороо буюу тус захын ойролцоох 22 Б байранд оршин суудаг нэг иргэнээс халдвар илэрч, ХӨСҮТ-д тусгаарлагджээ. Харин ам бүлийн гурван хүнийг зочид буудалд тусгаарласан байна. 

Харин Баянзүрх захад хөл хорио тогтоож, түрээслэгчид нь дотроо тусгаардлагдсан байдалтай байгаа бөгөөд шинжилгээний хариу удахгүй гарах юм байна.

Өнөөдрийн 11:00 цагийн байдлаар 

• Улаанбаатарт 99
• Дархан-Уул аймагт 45
• Сэлэнгэ аймагт 197
• Орхон аймагт 24
• Архангай аймагт 3
• Говьсүмбэр аймагт 4
• Дорноговь аймагт 25 тохиолдол тус тус бүртгэгдээд байсан юм. 

Манай улсад батлагдсан тохиолдол өнөөдрийн байдлаар 842 болоод байгаа бөгөөд үүнээс 368 нь эдгэрчээ. Эмчлэгдэж байгаа иргэдийн 377 нь хөнгөн, 76 нь хүндэвтэр, 6 нь хүнд, 2 нь маш хүнд байна.