ШУУРХАЙ: Баянзүрх захад хөл хорио тогтоолоо

Өнөөдөр 14.00 цагаас эхлэн Баянзүрх зах, Имарт /сансарын/ худалдааны төвийг тусгаарлан хөл хорио тогтоожээ. Тодруулбал, Covid-19-ийн халдвар авсан байж болзошгүй иргэн тус худалдааны төвүүдээр явсантай холбогдуулан албаны байгууллагаас явсан маршрутыг тогтоох ажил хийгдэж байгаа юм байна.

Бидэнд ирүүлсэн эх сурвалжийн мэдээллээр яг одоо Баянзүрх захад хөл хорио тогтоосноос ажилтнууд нь дотроо тусгаардлагдсан байдалтай 7 цаг гаруй болж байгаа аж. Одоогийн байдлаар тус худалдааны төвүүдийн бүх үйл ажиллагааг хязгаарлан халдваргүйтэл ариутгалын ажлыг хийсэн бөгөөд захын ажилчдаас шинжилгээ авсны дараа захаас гаргана гэх хариуг мэргэжлийн хүмүүс өгчээ.