ХӨСҮТ:"Рапид мед" эмнэлгээр үйлчлүүлсэн иргэд болон "Аман хуур" хотхоны оршин суугчид яаралтай шинжилгээ өгөхийг зөвлөж байна

Рапид мед" эмнэлгээр үйлчлүүлсэн хүмүүс болон "Аман хуур" хотхоны оршин суугчид, тус хотхонд очсон иргэд яаралтай шинжилгээ өгөхийг ХӨСҮТ-өөс зөвлөж байна. 

 
Тодруулбал, ХӨСҮТ-ийн Тандалт, судалгааны албаны дарга А.Амбасэлмаа " Улаанбаатар хотод бүртгэгдсэн коронавирусийн тохиолдлын нэг нь бариа заслын үйлчилгээтэй холбоотой байна. Иймд “Рапид мед" эмнэлгийн байранд байрлаж байгаа хувийн эмнэлгээр бариа засал хийлгэсэн, арваннэгдүгээр сарын 1-нээс хойш үйлчлүүлсэн иргэд шинжилгээ өгөх хэрэгтэй.
 
Тухайн эмнэлгээр үйлчлүүлсэн иргэд өөрийгөө ханиад томуу туссан хэмээн бодоод өвчнөө хүндрүүлэх эрсдэл гарах вий гэж эмээж байна. Ханиад томуугийн шинж тэмдэг илрээгүй ч гэсэн шинжилгээ өгч болно.
 
Мөн сүүлийн батлагдсан тохиолдол нь БЗД-ийн 14 хорооны нутаг дэвсгэрт байрлах "Аман хуур" хотхоноос гарсан тул тухайн хотхоны оршин суугчид шинжилгээ өгөх хэрэгтэй" гэв.