News Paparazzi : Шуурхай : Нийслэлээс голомтоос 10, Сэлэнгэд 4 тохиолдол батлагдаад байна

УОК-ын хэвлэлийн төлөөлөгч Ц.Ганзориг “Улсын хил дотор халдварын батлагдсан 22 тохиолдол байна. Улаанбаатар болон Сэлэнгэд голомт гараад байгаа” гэлээ.

ӨСҮТ-ийн тандалт судалгааны албаны дарга А.Амбасэлмаа “2020 оны 11 дүгээр сарын 10-наас хойш Улаанбаатар болон Сэлэнгэ аймагт халдварын багц өвчин гарсан. Улаанбаатар хотод бүртгэгдсэн анхны тохиолдлын ойрын хавьтал болох 445 хүнийг илрүүлж, 100 хувь шинжилгээнд хамруулсан.

Хоёр удаагийн давтан шинжилгээнд 100 гаруй, гурван удаагийн давтан шинжилгээнд 30 гаруй хүнийг хамрууллаа. Улаанбаатар хотын багц өвчний хүрээн дэхь халдвар авсан хүний тоо 10 байгаа юм. Үүнтэй зэрэгцээд Сэлэнгэ аймагт халдварын голомт гарч батлагдсан тохиолдол дөрөв байна. Энэ нь Улаанбаатар хоттой хамаагүй.