News Paparazzi: Австралийн бүтээж буй коронавирусийн вакцин эсрэг биет амжилттай үүсгэж буйг зарлалаа

Moderator

2020/11/13

Дэлхийн улс орнууд сая сая хүнийг өвчлүүлсэн коронавирусийн эсрэг вакциныг бүтээхээр өрсөлдөж байна. Хэд хоногийн өмнө "Pfizer Inc", "AstraZeneca" "компаниуд өөрсдийн бүтээж буй вакцины туршилт үр дүнтэй үргэлжилж байгаа бөгөөд удахгүй эцсийн шатны туршилтын үр дүнг зарлана хэмээн мэдэгдэж байсан бол өнөөдөр Австралийн их сургууль, “CSL Ltd” компанийн бүтээж буй COVID-19 вакцин туршигчдын биед эсрэг биет үүсгэж буйг тус улсын Эрүүл мэндийн сайд Грег Хант мэдэгдлээ.

Тэрээр сэтгүүлчдэд өгсөн ярилцлагадаа “Бусад вакцин бүтээгчдээс ялимгүй хоцорч байгаа ч Куинсландын их сургууль, CSL компанийн бүтээж буй вакцин одоо туршилтын сүүлийн шатандаа орох гэж байна. Тус вакцин I үе шатны клиник туршилтаар аюулгүй болох нь батлагдсан бөгөөд хүний биед эсрэг биет үүсгэж байгаа нь аль хэдийн тогтоогдсон” гэжээ.

Хэрэв вакцины дараагийн шатны туршилтууд амжилттай болбол 2021 оны гуравдугаар улирлаас эхлэн тараагдаж эхлэх аж.

Австрали улс Куинсландын их сургуулийн боловсруулж буй тус вакциныг гарсан даруйд 51 сая ширхгийг худалдаж авна хэмээн аль хэдийн тохиролцжээ. Тус улс мөн "AstraZeneca" вакциныг сүүлийн шатны шинжилгээнд хамрагдвал мөн худалдаж авна гэж мэдэгдсэн билээ.

Эх сурвалжийг ЭНД ДАРЖ үзнэ үү

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ