PHOTO PAPARAZZI : Энэ оны хамгийн өндөр өртөгтэй шоу "Nafa Carardli"

Өнгөрөгч мягмар гаригт "Nafa Carardli" загварын шоу Шангри Ла зочид буудалд зохион байгуулагдлаа. Тайзны шийдэл, загвар өмсөгчид, уригдсан зочид гээд энэхүү алдарт брэндийн үнэ цэнийг илэрхийлсэн бүхий л илэрхийллийг зохион байгуулагчид цогцоор нь шийджээ. Nafa-ийн гол онцлог нь хийц, сонголт дизайнаас гадна зөвхөн албан ёсны борлуулагч загварын үзүүлбэрээс загваруудыг онцгойлон сонгож, тусгай эрхтэйгээр борлуулдаг гэдэг. Энэхүү загваруудыг нэг дор үзэх завшаан уг шоуны зочдод олдсон юм. Монголдоо хамгийн чадварлаг цөөн тооны эрэгтэй загвар өмсөгч, мөн топ модельЭ.Одгэрэл, Д.Болормаа, Г.Уранцэцэг нар нэгэн тайзнаа үзүүлбэр үзүүллээ. Ардын жүжигчин Н.Сувд ахимаг насныханд зориулсан загварыг өмсөж, залуу насаа дурсав. Тус брэндийн энэ жилийн дүр төрхөөр Гавьяат жүжигчин Т.Ариунаа сонгогдсон. Тэрбээр ая дуугаа өргөсөн юм. Энэ жилийн хамгийн өндөр өртөгтэй шоу, үнэтэй брэнд шигээ цөөн хүрээнд, нэгэн эрхэмсэг үдшийг түүх болон үлдээлээ.