News paparazzi: Улс төрийн урвагчид Монголоор дүүрэн бий болжээ

Улс төрийн урвагчид сүүлийн үед хаа сайгүй бий болжээ. Тэр дундаа өнөө үед хэн дуртай нь нам байгуулдаг гаж тогтолцоо бий болсноор ийм явдал газар сайгүй өрнөж байна.

Үүүний нэг тод жишээ бол саяхан АН-тай эвсэж МАХН-с нэр дэвшиж ялалт байгуулсан Э.Магнайбаяр гэгч МАН-д элссэн явдал юм. Э.Магнайбаярын  хувьд өмнө нь УИХ-ын сонгуулийн сонгуульд Хөвсгөл аймагт “Та бидний эвслээс” нэр дэвшин унаж байжээ.Үүний дараа тэрээр Хөвсгөл аймаг дахь МАХН-ын мянгатын даргаар ажиллаж байгаад дээд шатнаас доод шатны сунгаанд хүч үзэж улмаар Баянгол дүүргийн иргэдийн сонгогчдын итгэлийг хүлээсэн байна.

Саяын орон нутгийн сонгуульд УИХ-д суудалгүй намуудаас МАХН 1, Ногоон нам 1, бие даагч 2 суудал авсан. Гэтэл МАХН-аас сонгогдсон нэг төлөөлөгч МАН руу ийнхүү урван оджээ.

Харин тэрээр энэ шийдвэрээ “Баянгол дүүргийнхээ 220 мянган иргэдийн эрх ашгийг бодож МАН-д элсэж байна. Цаг хугацаа бүхнийг шүүнэ! гэж сүржин үгээр тайлбарласан байна.

Харамсалтай нь түүний энэ шинэ сонголтыг өөрт нь итгэлт үзүүлж сонгуульд нэрийг нь дэвшүүлсэн МАХН-ынхан огтхон ч ойлгохгүй байна. Угтаа иргэд нэр дэвшигч Э.Магнайбаярыг бус МАХН-ын гаргасан мөрийн хөтөлбөрийг сонгосон байлтай.

Гэтэл тэрээр өөрийг нь сонгож нэрийг нь дэвшүүлсэн намаасаа ийнхүү нүүр буруулжээ. Магадгүй Э.Магнайбаяр мэтийн ийм хүмүүс дараа нь МАН-аас ч дахин урваж болзошгүй.

Тэр үүднээсээ төлөөлөгчөөр сонгогдож, эрх мэдэлд хүрэнгүүтээ нэр дэвшсэн намаасаа урваж, өнгө мөнгө харж явдаг ийм хүмүүс иргэд сонгогчдыг төлөөлж чадах уу гэдэг нь бас л бодох асуудал юм.

Ж.Чингис

Эх сурвалж: paparazzi.mn