News paparazzi: Мисс А.Баярцэцэг Их Британы мэргэжлийн жүжигчдийн холбооны гишүүн болжээ

Монголын сайхан бүсгүй, мисс, жүжигчин А.Баярцэцэг Их Британы мэргэжлийн жүжигчдийн холбооны гишүүн болжээ. Тэрээр өдгөө Лондоны их сургуулийн харъяа Эзэн хааны драмын төв сургууль болох “Royal Central School of Speech & Drama”-д жүжигчин мэргэжлээр суралцаж байгаа юм байна.

А.Баярцэцэг анх "Дэлхийн мисс" тэмцээнд 2016 онд эх орноо төлөөлөн оролцож, шилдэг 11-т үлдэж, томоохон амжилт гаргаж байсан бөгөөд загварын тайзнаа алхахаас гадна жүжиглэх авьяастай нэгэн гэдгийг хүн бүхэн сайн мэдэх бизээ. Мөн үүний зэрэгцээ тэрээр монголын болон гадаадын хэд хэдэн кинонд тоглож байсан юм.

А.Баярцэцгийн хувьд хамгийн анх 2014 онд АНУ-ын “Netflix” компанийн бүтээл болох "Марко Поло" кинонд тоглож, гадаадын үзэгчдэд танигдаж байсан бөгөөд мөн 2018 онд нээлтээ хийсэн Холливудын алдарт жүжигчин Стивен Сигалын ”Attrition” кинонд ч мөн тоглож байсан туршлагатай жүжигчин юм. Тэрээр нутагтаа олон улсын бизнесийн удирдлагын чиглэлээр суралцаж мэргэжил эзэмшжээ. Мөн англи, франц, испани хэлтэй юм байна.

Ж.Батдорж