News paparazzi: Сонгуулийн сурталчилгаа хүүхдийн аминаас чухал уу?
Замын хөдөлгөөнд оролцохдоо хэт хурдан явдаг жолооч нараас болж сүүлийн гурав хоногт гурван хүүхэд авто осолд өртсөнөөс таван настай бяцхан хүүхэд амиа алдаж, хоёр хүүхэд гэмтлээ. Осолд өртсөн гурван хүүхэд тав, ес, арван настай. Дээрх ослууд нь Яармагийн замд гарсан юм. Тиймээс надад хэлэх гурван санал байна.
Улаанбаатар хотод замын хөдөлгөөнд оролцож буй жолооч нар дунд бүдүүлэг, сагсуу хүн олон. Ялангуяа ганган, тансаг зэрэглэлийн машинтай залуус бусдад дээрэлхүү ханддагийг яалтай. Осол гаргасан жолооч нар “Honda CR-V”, “BMW X3” маркийн дунд оврын жийп хөлөглөжээ. Яг осол болсон замын хойд, урд талд Ерөнхий боловсролын сургууль байдаг учраас хүүхдүүд замын хөдөлгөөнд маш ихээр оролцдог. Гэтэл жолооч нарын өндөр хурдтай явсны балгаар, гурван хүүхэд осолд өртлөө. Дээрээс дайны хажуугаар дажин гэгчээр замын дунд сонгуулийн сурталчилгаа тавьдаг овилгогүй, бүдүүлэг зангаа нэр дэвшигчид болиоч ээ.
Хурд хэтрүүлэн явсан жолоочийн үйлдлээс гаднас буруу ч үзэгдэх орчныг хязгаарлан сурталчилгааны самбар байрлуулсан нэр дэвшигчид буруутай. Хэрвээ Хан-Уул дүүрэгт Нийслэл болон дүүргийн иргэдийн хурлын сонгуульд АН-аас нэр дэвшсэн хүмүүсийн сурталчилгааны самбар байгаагүй бол тухайн хүүхдүүд холоос хурдтай ирж буй машиныг харж болох байлаа.
Тиймээс холбогдох хууль, хяналтын байгууллагууд үүнд анхаарлаа хандуулж замын голд байрлуулсан самбаруудыг яаралтай холдуулах арга хэмжээ авна уу. Тэгэхгүй бол дахиад хэдэн хүүхэд осолд өртөхийг бид урьдчилан таашгүй. Түүнчлэн эцэг, эхчүүд минь, та нар таван настай хүүхдийг есөн настай ах, эгчээр хөтлүүлээд замын хөдөлгөөнд оролцуулж яаж чадаж байна аа. Бага насны. хоёр хүүхдийг харгалзах хүнгүй явуулахдаа та бүхний толгойд юу бодогддог вэ. 10 настай хүүхэд ганцаараа замаар гарах гэж явна, аав, ээжүүд ээ. Толгойдоо нэгийг бодохгүй бол цаг зуураар бид бяцхан үрсээсээ салж мэдэх нийгэмд амьдарч байна. Эцэг эхчүүд, жолооч нар, нэр дэвшигчид, цаашлаад хууль сахиулагч, хөдөлгөөн зохицуулагчид нэгийг бодно биз. Бид зам тээврийн ослоор хичнээн хүүхдийн амийг алдаж ухаарах вэ.
Эх сурвалж: "Монголын үнэн" сонин
Сэтгэгдэл (2)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
“Монголын төмөр зам” ТӨХК оны эхний 11 сарын байдлаар 11.7 сая тн ачаа тээвэрлэжээ
“Эрдэнэс Тавантолгой” ХК болон БНХАУ-ын Норинко компани хамтын ажиллагааны санамж бичигт гарын үсэг зурлаа
Нийтийн албанд томилогдохоор нэр дэвшсэн 15885 нэр дэвшигчийн мэдүүлгийг хянав
"Эрдэнэс тавантолгой" ХК болон "Чайна энержи интернэйшнл девелопмент" ХХК хамтын ажиллагааны санамж бичиг байгууллаа
55 тооны бод мал хулгайлсан этгээдүүдийг илрүүллээ
"Эрдэнэс Тавантолгой" ХК-ийн Гүйцэтгэх захирал асан Н.Цэрэнсамбууг 30 хоногийн хугацаатай цагдан хорьжээ
Г.Дамдинням: Манай хүссэн хэмжээгээр биш ч боломжтой хэмжээгээр нийлүүлэлт хийж ирсэн ОХУ, ААН-үүдэд бид талархах учиртай
66.181.161.76
Самбар хэнд хэрэгтэй юм . Авч хая.
Хариулах103.212.119.32
Машин барих ур чадваргүй, ихэмсэг зан ,муу ухамсраасаа болж хүн дайрчихаад самбар яриад байдаг онигоо шүү, ухамсартай хүн явган хүний гарц ойртоход болгоомжилдог шүү
Хариулах