News paparazzi: ​Хакүхогийн бүрэн сийлбэртэй монгол гэрийг "Tokyo Tower"-т барина

Мэргэжлийн сумогийн их аварга Хакүхо М.Даваажаргалын найман ханатай, бүрэн сийлбэртэй монгол гэрийг Японы “Tokyo Tower”-т барихаар болжээ. Одоогоор тус гэрийг Монголын Олимпын хорооны гадна байрлуулаад байгаа бөгөөд Токиогийн олимпийг угтан эх орноо сурталчлах зорилгоор удахгүй тэнд аваачих юм байна.

Уг гэрийн тухайд тайлбарлавал Бөртө чоно, Гоо марал нарын босгосон суурь баганан дээр Чингис хаан Их Монгол Улсыг байгуулсныг бэлгэдсэн сийлбэрээр тооно, баганыг нь урлаж, аугаа хүний түүхэн замналын эхлэлийг найман шарга мориор дүрсэлсэн бөгөөд их хааны үнэн шударгыг эрхэмлэгч өрлөг сайдуудыг тоононд багтаан урлажээ.

Мөн гэрийн тоононы голд улсын дээд заргач Шихихутгийг Их засаг хуулиа чандлан сахиулж суугаа байдлаар дүрсэлсэн нь энэхүү гэрийг улам үзэсгэлэнтэй болгосон байна. Тоононы хүрээнд хаант төрийн 9 эх бэлгэдлийг 9 эрдэнээр чимэглэн цаг хугацааны үргэлжлэл болох 12 жилээр хослуулсан нь энэхүү монгол гэрийг улам тансаг нарийн хийц загвартай болгожээ.

Ж.Бат