News paparazzi: ​Селфичин орлогч "нүх болгон руу" орох нь ээ

Нийслэлийн Засаг даргын Агаар орчны бохирдол хариуцсан төслүүдийн удирдагч Д.Мөнхжаргалыг олон нийт түймрийн үеэр селфи хийснээр нь мэддэг болсон. Ажлаа дорвитой хийгээгүй, ах нар хийгээд найз нарынхаа татаасаар албан тушаал өгсөж яваа түүнийг энэ удаа НИТХ-ын сонгуульд нийслэлийн МАН нэр дэвшүүлээгүй. Гэтэл мань хүн Баянгол дүүргийн ИТХ-ын сонгуульд нэр дэвшинэ хэмээн сүрийг үзүүлж явна.

Нэгэнтээ УИХ-ын гишүүн Д.Сумъяабазарыг Нийслэлийн МАН-ын даргын хувиар ялалт байгуулбал хотын дарга болох уу гэхэд мань хүн "Оготоно шиг нүх болгон руу шургаж орохгүй" хэмээн хариулж байсан нь саяхан. Тэгвэл түүний энэ үгийг албан тушаалд дуртай нөхөд хэрэгжүүлэхийн оронд дарга болох донгоо барьж ядан, Нийслэлийн орлогчоос буугаад дүүргийн ИТХ-д зүтгэж байгаа нь энэ. Хийсэн ажлыг нь иргэд биш бүр нам нь дүгнээд холхон байхыг сануулаад байхад л хэм хэмжээгээ мэдэхгүй зүтгэдэг Д.Мөнхжаргал мэтийн селфичдийг сонгогчид л үдэн гаргаж өгөх хэрэгтэй болж дээ.

Эх сурвалж: erennews.mn