News paparazzi: ЖДҮХС-аас зээл авч ажлаасаа халагдсан гэх Б.Бат-Эрдэнэ ШӨХТГ-ыг удирдана
Засгийн газрын өчигдрийн /2020.08.19/ хуралдаанаар Шударга өрсөлдөөн хэрэглэгчийн төлөө газрын дарга Б.Лхагвыг үүрэгт ажлаас нь чөлөөлж, түүний оронд Б.Бат-Эрдэнийг томилсон. Б.Бат-Эрдэнэ нь 2018 онд ЗГХЭГ-ын дэд даргаар ажиллаж байгаад есөн сарын дараа халагдаж байсан юм.
Түүний ажлаасаа халагдсан шалтгаан нь Жижиг, дунд үйлдвэрлэлийг хөгжүүлэх сангаас зээл авсантай холбогддог. Мөн тэрбээр бага хүүтэй урт хугацаатай уг зээлийн мөнгийг банк бусаар угаасан байж болзошгүй гэх мэдээлэл хэвлэлүүдэд өмнө нь гарч байжээ.
Ийнхүү төрийн албаны ёс зүйг зөрчиж ажлаасаа халагдсан Б.Бат-Эрдэнэ дахин даргаар ажиллахаар эргэн ирэв. Ингэхдээ Шударга өрсөлдөөн хэрэглэгчийн төлөө газар гэх том байгууллагыг удирдах гэж буй нь шударга ёсонд үл нийцнэ хэмээн зарим иргэд шүүмжилж байна.
Б.Бат-Эрдэнийн хувьд 1999 онд Улаанбаатар их сургуулийн түүх судлалын ангийг судлаач мэргэжлээр төгссөн. Мөн БНСУ-ын Корейн Айр компанийн дэргэдэх академийг агаарын тээврийн мэргэжилтнээр сурч, төгссөн. Монгол Улсын Ерөнхий сайд асан Сү.Батболдын туслах, МАН-ын дэргэдэх НАМЗХ-ны Ерөнхий нарийн бичгийн дарга, Монгол улсын Шадар сайдын зөвлөхөөр ажиллаж байжээ.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
“Монголын төмөр зам” ТӨХК оны эхний 11 сарын байдлаар 11.7 сая тн ачаа тээвэрлэжээ
“Эрдэнэс Тавантолгой” ХК болон БНХАУ-ын Норинко компани хамтын ажиллагааны санамж бичигт гарын үсэг зурлаа
Нийтийн албанд томилогдохоор нэр дэвшсэн 15885 нэр дэвшигчийн мэдүүлгийг хянав
"Эрдэнэс тавантолгой" ХК болон "Чайна энержи интернэйшнл девелопмент" ХХК хамтын ажиллагааны санамж бичиг байгууллаа
55 тооны бод мал хулгайлсан этгээдүүдийг илрүүллээ
"Эрдэнэс Тавантолгой" ХК-ийн Гүйцэтгэх захирал асан Н.Цэрэнсамбууг 30 хоногийн хугацаатай цагдан хорьжээ
Г.Дамдинням: Манай хүссэн хэмжээгээр биш ч боломжтой хэмжээгээр нийлүүлэлт хийж ирсэн ОХУ, ААН-үүдэд бид талархах учиртай
Сэтгэгдэл бичигдээгүй байна