News paparazzi: Өндөржүүлсэн бэлэн байдлын зэрэгт шилжүүлсэн хугацааг ДОЛДУГААР сарын дунд үе хүртэл сунгах чигтэй байгаа

"COVID-19" цар тахлаас урьдчилан сэргийлэх зорилгоор Улсын Онцгой комиссын шийдвэрийн дагуу 2020 оны хоёрдугаар сарын 13-наас эхлэн манай улс өндөржүүлсэн бэлэн байдлын зэрэгт шилжсэн.

Өндөржүүлсэн бэлэн байдлын зэрэгт шилжсэн хугацааг өнгөрсөн сарын 25-ны өдөр /2020.05.25/ болсон Улсын онцгой комиссын 22-р хуралдаанаар энэ сарын 30-ныг хүртэл сунгасан.

Харин энэ хугацааг үргэлжүүлэн долдугаар сарын дунд үе хүртэл сунгах чигтэй байгааг өчигдрийн /2020.06.18/ УОК-ын хурлаар ГХЯ-ны Консулын газрын захирал Л.Мөнхтүшиг хэлсэн. Гэхдээ уг шийдвэр албан ёсны биш гэдгийг мөн онцолсон юм. Мөн УОК-ын хуралдаанаар тусгай үүргийн нислэгийн долдугаар сарын 15-ны өдөр хүртэлх хуваарийг баталсан байна.