News paparazzi: БНСУ коронавирусийн халдварыг эмчлэх вакциныг гаргаж сармагчин дээр туршихаар бэлтгэж байна

Дэлхий дахинд тархаж олон сая хүний амийг авч одсон коронавирусийн халдварыг дарангуйлах, эмчлэх эм, вакцин зэргийг өндөр хөгжилтэй олон орон гаргахаар ажиллаж байна. Япон, Солонгос, АНУ, Англи зэрэг хэд, хэдэн оронд эмнэлзүйн туршилтыг хийж байгаа юм.

Хамгийн сүүлд Английн эрдэмтэд хямд бөгөөд түгээмэл байдаг “дексаметазон” эмээр баттай эмчилж болох нээлтийг хийсэн.

Тэгвэл БНСУ вакцин гаргаж энэ сард сармагчнууд дээр туршихаар болсноо албан ёсоор зарлалаа.

Тус улсын Шинжлэх ухааны яамнаас мэдэгдэж буйгаар “COVID-19”-ийн эмчилгээ, вакцины эмнэлзүйн туршилтыг явуулахаас өмнө амьтад дээр туршихыг Дэлхийн эрүүл мэндийн байгууллага өмнө нь зөвлөсөн ажээ. Ташрамд дурдахад, БНСУ-д мягмар гарагт халдварын 43 шинэ тохиолдол илэрснээр халдвар авсан хүний нийт тоо 12198-д хүрчээ. Өнөөдрийн байдлаар тэдгээр тохиолдлын 10774 нь бүрэн эдгэрч, 279 нь нас барсан байна. Тус улсад нэгдүгээр сарын 3-наас хойш 1132823 хүнд коронавирусний шинжилгээ хийжээ. 

Тус улсын хамгийн нэр хүндтэй эмнэлэг, их сургуулийн мэргэжилтнүүд вакцин бүтээхэд ажилласан байна.