Путин коронавирусээс айж сэтгүүлчдийг өөрөөс нь хол байхыг анхааруулав

Кремлиний ордноос сэтгүүлчдийг ОХУ-ын Ерөнхийлөгч Путинаас хол байхыг анхаарууллаа.
Төлөөлөгчийн хэлснээр тэд коронавирусын халдвараас урьдчилан сэргийлэхийн зорилгоор энэхүү арга хэмжээг авч байгаа ба хэрвээ биеийн байдал тань тийм ч сайнгүй байгаа бол сэргийлэх үүднээс ордны ажилтан болон бусдаас хол байхыг уриалсан юм.
Мөн Ерөнхийлөгч Путины биеийн байдал хэт шахуу цагийн хуваарь, ажлын улмаас ядрах төлөвтэй байгаад коронавирусын халдвар амархан авах боломжтой тул эмчилгээ хийлгэж, биеэ анхаарч байгаа гэнэ.
Орост өнөөдрийн байдлаар коронавирусын 34 тохиолдол бүртгэгдсэн ч хараахан нас барсан гэх тохиолдол гараагүй байна.
Харин нэгэн өмгөөлөгч өөрийгөө тусгаарлах хөл хорионы үед байхдаа дүрмийг зөрчиж Ерөнхийлөгчийн хүрэлцэн ирсэн үйл ажиллагаанд оролцжээ. Гэсэн ч тэрбээр түүнээс халдвар авахаар ойр харилцаагүй гэнэ. 
Сонордуулахад коронавирусын халдвараар ахмад настай хүмүүс илүү өвчилж, нас барж байгаа гэх судалгааг ДЭМБ-аас гарсан юм. ОХУ-ын Ерөнхийлөгч Владимир Путин өдгөө 67 настай.