Хушаатын засаг дарга Б.Атартулга согтуурсан үедээ морьтой хүн дайрч, буу гарган сүрдүүлжээ

Сэлэнгэ аймгийн Хушаат сумын засаг дарга Б.Атартулга архи уусан үедээ дахин танхайрчээ. Тэрээр сар шинийн өмнө буюу /2020.02.22/-ны өдөр морьтой явж байсан иргэнийг машинтайгаа дайрч, дайруулж унасан морин дээгүүр нэмж гарсан байна. Ийнхүү хэрцгий үйлдэл гаргаснаар үл барам, буу гарган,  буудна хэмээн хэд хэдэн удаа сүрдүүлжээ.

Б.Атартулга нь өмнө нь согтуурсан үедээ  сумынхаа иргэн  Г- гэх эмэгтэйг хэрцгий балмадаар зодож, хэл амаар доромжлон танхайрч байсан.

Ийнхүү МАН-ын хурган дарга нарын танхай балмад үйлдэл, эсвэл албан тушаалаа урвуулан ашиглаж буй үйлдлүүд хэрээс хэтэрлээ.

Дөнгөж саяхан л Говь-Алтай аймгийн засаг даргын тамгын газрын байранд архидан согтуурч, аймгийн Гэр бүл хүүхэд залуучуудын хөгжлийн хэлтсийн дарга  машиндаа нас барсан хэрэг гарсан. Мөн ЗГ-ын Хэрэг эрхлэх газрын хуулийн хэлтсийн дарга Н.Мягмарын хүү албаны машин унаж зугаа цэнгэлдээ ашигласан гээд дурьдаад байвал дуусахгүй...

Тэгвэл энэ удаад Сэлэнгэ аймгийн Хушаат сумын засаг дарга ийнхүү танхайрчээ. Архи ууж танхайрсан  засаг даргад хэзээ хариуцлага тооцох вэ?