ОХУ, БНХАУ, БНСУ-Д ЯВУУЛСАН ШАХМАЛ ТҮЛШНИЙ ЛАБОРАТОРИЙН ШИНЖИЛГЭЭНИЙ ХАРИУ ГАРЧЭЭ

Таван толдгой түлш компанийн сайжруулсан шахмал түлшийг ОХУ, БНХАУ, БНСУ-ын лабораториудад шинжлүүлсэн хариунууд гарчээ. Тодруулбал, Москва хотын Элчин сайдын яамаар дамжуулан Санкт-Петербург хотод байрлалтай "Бюро Веритась Русь" ХК-ийн "Регион Север Запад" лаборатори, БНХАУ-ын Нүүрс судлалын хүрээлэнгийн лаборатори, БНСУ-ын Сөүл хотын Элчин сайдын яамаар дамжуулан "SGS Korea" лабораториудад шинжлүүлсэн бөгрөөд шинжилгээний дүн бүгд "стандартад нийцсэн" гэсэн үзүүлэлтийг харуулсан байна.

Тодруулбал, сайжруулсан шахмал түлшийг үндэсний тав, гадаадын гурав, нийт найман лаборатори шинжлэхдээ техникийн үзүүлэлт, элементийн үзүүлэлт, химийн найрлага, чөлөөт хөөлтийн зэрэг гэсэн үзүүлэлтүүдээр шинжилсэн. Бүх лабораторийн шинжилгээгээр сайжруулсан шахмал түлш нь 5679:2019 стандартын техникийн шаардлага хангасан байна гэж гарсан байна. Тодруулбал, чөлөөт хөөлтийн зэрэг гэдэг нь нүүрсний коксжих үзүүлэлтийн зэргийг хэлдэг. 1-9 гэсэн хүртэл үзүүлэлтэй байдаг. Бүх лабораторийн шинжилгээгээр чөлөөт хөөлтийн зэрэг нь нэг гэсэн үзүүлэлтэй гарсан нь коксжих зэрэг бага эрчим хүчний нүүрс байна, ахуйд хэрэглэж болно гэсэн дүгнэлт гарсан байна.