Halloween-ы баяр тэмдэглэхийг хориглолоо

Хоёрхон хоногийн дараа бидний шинээр тэмдэглэж эхлээд байгаа Halloween буюу “Сүнсний баяр”-ын өдөр болно. Америкчууд жил бүр ойролцоогоор 2.5 тэрбум ам.долларыг ганцхан өдөрт зориулдаг нь аравдугаар сарын 31 буюу “Halloween”-ий баярын өдөр юм.

Харин манайд сүүлийн үед өргөнөөр тэмдэглэдэг болсон эл баярыг энэ жил тэмдэглэхийг хоригложээ. Энэ баярын талаар зарим эцэг эхчүүд гомдол гаргасан учраас Боловсрол соёл, шинжлэх ухаан, спортын яамнаас ЕБС-иудыг энэ жил “Сүнсний баяр” тэмдэглэхийг хоригложээ. Эцэг эхчүүдийн үзэж байгаагаар “Сүнсний баяр” хүүхдүүдэд ямар нэгэн ач холбогдолгүй атлаа тусгай өмсгөл шаардаж, мөнгө төгрөг татахаас эхлээд айл хэсч чихэр цуглуулах зэрэг бусдын амгалан тайван байдалд нөлөөлдөг гэж үзжээ.

Энэ талаар БСШУСЯ "Сүнсний баяр"-ыг сургуулийн түвшинд зохион байгуулалттайгаар тэмлэглэхгүй байх чиглэлийг бүх ерөнхий боловсролын сургуулиудад өгсөн. Дагаж мөрдөхийг сануулж байна" гэсэн байна.