СБД-ийн засаг дарга Х.Болормаа бусдад хутгалуулаагүй гэв

Сүхбаатар дүүргийн Засаг дарга Х.Болормаа ажилдаа ирэхгүй сар гаруй болж байгаа ажээ. Шалтааныг нь зарим  зарим хэвлэл мэдээллийн хэрэгслээр бусдад хутгалуулсны улмаас эмнэлэгт хэвтэн эмчлүүлж байгаа талаар мэдээлээд буй.  Энэ талаар албаны эх сурвалжаас тодруулсан байна.  “Сүхбаатар дүүргийн Засаг дарга Х.Болормаа хүнд хутгалуулаагүй. Бие нь өвдөөд эмнэлэгт хэвтсэн. Хутгуулсан гэдэг мэдээлэл худлаа ” хэмээн хариулжээ.Харин Цагдаагийн ерөнхий газрын Хэвлэл мэдээллийн төвийн дарга Б.Баатархүүгээс тодруулахад “Сүхбаатар дүүргийн Засаг дарга Х.Болормаа сарын өмнө ахуйн хүрээнд болгоомжгүй байдлаас болж, биедээ шарх авсан” гэв. Х.Болормаа 2016 оны 11 сараас Сүхбаатар дүүргийн ИТХ-ын төлөөлөгч, Дүүргийн Засаг даргаар ажиллаж байгаа юм.