“Хийморь” МУСК олон улсын кино наадамд шилдгээр шалгарчээ

Төрийн соёрхолт зохиолч Ч.Лхамсүрэнгийн алдарт “Хүрэн морь” найраглалаас сэдэвлэн бүтээсэн "Хийморь" нэртэй киног нэг үзэгчдийг байлдан дагуулсан билээ.

Энэхүү киног жүжигчин Г.Эрдэнэбилэг найруулж, “Three flames”, “Nomadia”, “Belgute” продакшн хамтран бүтээжээ. Киноны гол дүрд бяцхан жүжигчин Ч.Ариунболд, ардын жүжигчин П.Цэрэндагва, Д.Мэндбаяр нар тоглож, киноны хөгжмийг Б.Одбаяр зохиож, Филармонийн симфони оркестр, Морин хуурын чуулгын хөгжимчид бүрэн бүрэлдэхүүнээрээ хөгжмийг тоглосон байна. Тэгвэл тус кино Герман улсын OLDENBURG олон улсын кино наадамд шалгарчээ. Удахгүй Г.Эрдэнэбилэг тэргүүтэй уран бүтээлчид Герман улсаас дэлгэрэнгүй мэдээллийг хүргэх юм байна.