Эхнэрийнхээ амь насыг бүрэлгэж, машинтай нь шатаасан онц ноцтой хэрэг гарчээ

Говь-Алтай аймагт өчигдөр шөнө хүн амины ноцтой хэрэг гарчээ. Тодруулбал, Есөнбулаг сумын Наран багийн ойролцоо уулын бэлд иргэн Г.Мөнхбаяр эхнэр Б-гээ хардаж зодож, улмаар амийг нь хөнөөгөөд  Приүс 20 маркийн машинд цогцсыг нь хийгээд галдан шатаасан байна.

Бидэнд олдсон мэдээллээр Нөхөр Г.Мөнхбаяр нь хил рүү ачааны машинаар ачаа зөөдөг гэв. Тэрээр эхнэрийгээ түлш дууссан аваад ир хэмээн Бигэр суманд дуудаж, хардан зодсоноор амийг нь хөнөөжээ.

Эх сурвалжийн хэлж буйгаар тэд гурван хүүхэдтэй бөгөөд бага хүүхэд нь тэдний дундаас гарсан хүүхэд хэмээлээ.

Хэргийг аймгийн цагдаагийн хэлтэст шалгаж байгаа бөгөөд сэжигтэн Г.Мөнхбаярыг цагдан хорьжээ.